PAGBANTALA KAG PAGPANUDLO SA BUG-OS NGA DUTA
Oceania
-
PUNGSOD 29
-
POPULASYON 41,051,379
-
MANUGBANTALA 98,574
-
PAGTUON SA BIBLIA 67,609
Nagtambong Pagkatapos sang Siam ka Tuig
Sang kinder si Olivia nga taga-Australia, gin-agda niya ang iya maestra nga magtambong sa Memoryal. Amo ini ang ginahimo niya sa masunod nga walo pa ka tuig. Sang 2016, gintawgan sia sang iya maestra kag nagsiling nga luyag na niya magtambong. Nagsiling pa ang iya maestra nga nalipay sia nga ginaagda sia ni Olivia kada tuig. Gani nagtambong
sa Memoryal ang iya maestra upod sa iya bana. Nadumduman pa sang iya bana sang ginatukod ang Kingdom Hall bangod nagaobra sia anay sa konseho sang banwa. Ginsilingan niya ang kauturan nga nagdayaw gid sia sa pagkaorganisado sang pagpanukod. Nalipay gid ang mag-asawa sa ila pagtambong amo nga isa sila sa mga ulihi nga nagpauli.Australia: Pagkatapos sang siam ka tuig, nagbunga ang panikasog ni Olivia
Tatlo ka Beses Niya Ginbasa ang Libro
Si Jacintu kag ang iya asawa nagaistar sa Timor-Leste. Bangod debotado sila nga Katoliko, natingala sila sang nangin isa sa mga Saksi ni Jehova ang ila hinablos kag wala na nagasimba upod sa pamilya. Luyag pamatud-an ni Jacintu nga sala ang iya hinablos, gani ginbasa niya ang libro nga Ano Gid ang Ginatudlo sang Biblia? agod mangita sang butig nga mga panudlo. Sang ulihi, nagsiling sia sa iya asawa: “Nabasa ko na ang libro. Pero wala man sing sala.”
“Wala mo siguro ginbasa sing maayo,” sabat sang iya asawa. “Basaha bala liwat, pero indi pagpadalii.”
Ginbasa liwat ni Jacintu, kag nagsiling sia liwat sa iya asawa: “Wala gid sing sala.” Nagdugang pa sia: “Nabase man tanan sa Biblia. Bisan gani ang ginasiling sini parte sa pagsimba sa mga patay.”
Nagsiling ang iya asawa: “Basaha pa gid abi, pero tun-i ini sing maayo nga ginakuritan ang kada parapo. Sa banta ko, sala gid ina.”
Gani amo gid sini ang ginhimo ni Jacintu. Pagkatapos sang iya ikatlo nga pagbasa sing maid-id, nagsiling sia:
“Wala gid sing sala diri! Husto ang aton hinablos.” Sa karon, si Jacintu nagatuon sa Biblia upod sa mga Saksi ni Jehova.Ginsilingan Sia sang Iya Bata
Ginbisitahan sang isa ka payunir nga sister nga taga-Guam ang isa ka Pohnpeian nga babayi kag ginpatan-aw sang video nga Ngaa Dapat Tun-an ang Biblia? Dayon, nagsiling ang sister nga mabalik sia. Bisan pa pila ka beses nga nagbalik ang sister, indi niya pirme maabtan ang babayi sa ila balay. Pero sang ang iya bata nga babayi ang nakabukas sang puertahan, ginpatan-aw sia sang sister sang video halin sa serye nga Mangin Abyan ni Jehova. Nanamian gid sini ang bata. Pagbalik liwat sang sister, ang babayi na ang nagbukas sang puertahan kag interesado gid sia sa mensahe sang Biblia. Mahimo nga antes sini ginsilingan sia sang iya bata nga makadto sila sa simbahan sang babayi nga nagpatan-aw sa iya sang video kag mahimo nagpukaw ini sang iya interes. Ginpakita sa iya kon paano tun-an ang Biblia kag naghimo sing kahimusan nga mapadayon ang pagtuon.
“Kaangay sang mga Karnero nga Wala sing Manugbantay”
Si Terence nga isa ka manugtatap sang sirkito nagbiyahe upod sa iya asawa nga si Stella pakadto sa Inakor, isa ka wala maasayn nga teritoryo sa Papua New Guinea. Nagsiling si Terence: “Sa kaagahon sang una namon nga adlaw, samtang nagakatulog pa kami, may nanuktok sa amon puertahan. Madamo ang nagahulat sa gua, amo nga ginbantalaan namon sila halin alas seis sang aga asta sa udto. Nag-untat lang kami para maligo Mat. 9:36.
kag pagbalik namon, madamo pa gid ang nagahulat sa amon. Gani ginbantalaan man namon sila halin alas dos sang hapon asta magtungang gab-i.” Pagkaaga, temprano pa naghalin ang mag-asawa agod magbantala sa iban nga lugar. Sa liwat, madamo ang nagkadto sa ila ginadayunan pero wala sila didto. “Sang nabal-an nila kon diin kami nagkadto,” siling ni Terence, “ginsundan nila kami, kag pagkitaay namon, ginbantalaan naman namon sila asta mag-udto. Pagbalik namon sa amon ginadayunan, may isa naman ka grupo nga nagahulat sa amon. Amo sini ang nagakatabo kada adlaw. Ang mga tawo didto ‘kaangay sang mga karnero nga wala sing manugbantay.’”—Papua New Guinea: Ang mga tawo nagahulat gid kanday Terence kag Stella
Mga Regalo Para sa Therapist
Si Agnès nga isa ka payunir nga nagaistar sa New Caledonia kinahanglan magkadto sa physiotherapist bangod nagasakit ang iya butkon. Samtang nagaatipan kay Agnès, nagsiling ang therapist nga madamo sia sing nakita nga mga tawo nga nagaantos amo nga nagapalibog sia kon bala mapintas ang Dios. Gani nangamuyo sing hipos si Agnès kag nagpasalamat kay Jehova sa kahigayunan nga mapangapinan sia. Dayon, ginpakita niya sa therapist ang tract nga Madula Pa Ayhan ang Pag-antos? kag ginbasa sa iya ang Bugna 21:3, 4.
Nagsiling ang therapist: “Ambot lang kon ang ginbasa mo ara man sa akon Biblia, kay mga Ebanghelyo lang ang ato didto.” Sang nabal-an niya nga si Agnès isa sa mga Saksi ni Jehova, nagsiling sia nga nakaistorya na sia sa mga Saksi sa ila pungsod sa Chile.
Nadumduman ni Agnès nga may ginpagua sa JW Broadcasting nga report sang sanga parte sa Chile. Gani sang masunod niya nga pagbisita, gindala niya ang iya Bugna 21:3, 4, ang teksto nga ginbasa ko sa imo sang nagligad nga semana!” Nalipay gid ang therapist kag ginhakos si Agnès nga nagasiling, “Salamat gid sa sining matahom nga mga regalo!”
tablet kag ginpatan-aw sa therapist ang video. Natandog gid ang therapist sang nakita niya ang Bethel kag Assembly Hall sa Chile. Dayon nagsiling si Agnès: “May iregalo pa gid ako sa imo, isa ka kompleto nga Biblia agod mabasa mo angNew Caledonia: Natandog gid ang iya therapist
Sang masunod nga pagbisita, nagdala si Agnès sang libro nga Ano Gid ang Ginatudlo sang Biblia? kag nagpaathag sing dugang kon ngaa may pag-antos sa duta. Nagsiling ang therapist nga mabakasyon sia sa Chile kag dal-on niya ang libro agod matapos niya ini basa.