Mensahe Para sa mga Ginikanan

Ano ang pinakamaayo nga regalo nga mahatag ninyo sa inyo kabataan? Madamo sila sing kinahanglanon, pati na ang inyo pagpalangga, paggiya, kag pag-amlig. Pero ang pinakabilidhon nga regalo nga mahatag ninyo sa ila amo ang ihibalo parte kay Jehova kag ang kamatuoran nga masapwan sa iya Pulong, ang Biblia. (Juan 17:3) Ina nga ihibalo makabulig sa inyo kabataan nga higugmaon si Jehova kag alagaron sia sing bug-os tagipusuon, bisan bata pa sila.—Mateo 21:16.

Natalupangdan sang madamo nga ginikanan nga nanamian ang mga bata sa malip-ot lang nga mga leksion kag hilimuon. Gani, nalipay kami nga iaman ini nga publikasyon, Ang Akon mga Leksion sa Biblia. Gindesinyo ang kada leksion sa pagtudlo sa simple nga paagi. Ang mga piktyur kag mga tinaga ginhanda ilabi na para sa mga bata nga tres anyos paubos. May mga instruksion man para sa inyo nga mga ginikanan. Ang Akon mga Leksion sa Biblia indi lang isa ka hampanganan. Sa baylo, gindesinyo ini nga basahon ninyo upod sa inyo kabataan para mapauswag ang inyo komunikasyon.

Napat-od namon nga ini nga publikasyon makabulig gid sa inyo sa pagtudlo sa inyo kabataan sang kamatuoran sa Biblia “kutob sa pagkalapsag.”—2 Timoteo 3:14, 15.

Ang inyo mga utod,

Nagadumala nga Hubon sang mga Saksi ni Jehova

[Retrato sa pahina 3]