Ano ang Ila Ginapatihan?
Ano ang Ila Ginapatihan?
ANG mga Saksi ni Jehova nagapati sa Labing Gamhanan nga Dios, si Jehova, ang Manunuga sang langit kag duta. Ang pagluntad mismo sang masibod sing desinyo nga mga kalatingalahan sa uniberso sa palibot naton nagapamatuod nga ang isa ka labing intelihente kag gamhanan nga Manunuga naghimo sini tanan. Subong nga ang mga binuhatan sang mga lalaki kag mga babayi nagapakita kon ano ang ila mga kinaiya, amo man kay Jehova nga Dios. Ang Biblia nagasugid sa aton nga “ang iya di-makita nga mga kinaiya maathag nga makita kutob sang gintuga ang kalibutan, bangod mahantop ini paagi sa mga butang nga ginhimo.” Subong man, sing walay tingog ukon mga pulong, “ang mga langit nagapahayag sang himaya sang Dios.”—Roma 1:20; Salmo 19:1-4.
Ang mga tawo wala nagadihon sing mga kulon ukon nagahimo sing mga telebisyon kag mga kompyuter nga wala sing katuyuan. Mas makatilingala ang duta kag ang mga tanom kag mga sapat nga gintuga sa sini. Indi gid naton mahangpan ang pagkahuman sa lawas sang tawo upod ang mga trilyon nga kadamuon sang mga selula sini—bisan gani ang utok nga nagapahunahuna sa aton makatilingala gid! Kon ang mga tawo may katuyuan sa paghimo sang ila diutay lamang nga mga imbension, pat-od nga may katuyuan si Jehova nga Dios sa iya dalayawon nga mga tinuga! Ang Hulubaton 16:4 nagasiling nga may katuyuan sia: “Ang tanan nga butang ginhimo ni Jehova para sa iya katuyuan.”
Ginhimo ni Jehova ang duta para sa isa ka katuyuan, subong sang ginsiling niya sa unang mag-asawa: “Magmabungahon kamo kag magbuad kag pun-a ninyo ang duta . . . , magpakaagalon kamo sa kaisdaan sang dagat kag sa nagalupad nga mga tinuga sang langit kag sa tagsa ka buhi nga tinuga nga nagagiho sa duta.” (Genesis 1:28) Bangod naglalis sila, wala mapuno sining mag-asawa ang duta sing matarong nga mga pamilya nga magaatipan sing mahigugmaon sa duta kag sa mga tanom kag mga sapat sa sini. Apang indi mapaslawan ang katuyuan ni Jehova bangod sang ila kapaslawan. Mga linibo ka tuig sang ulihi, ginsulat ini: ‘Ang Dios, ang Manughuman sang duta . . . , wala magtuga sini sa walay pulos.’ ‘Ginhuman niya ini agod puy-an.’ Indi ini paglaglagon, kundi “ang duta nagapabilin sing dayon.” (Isaias 45:18; Manugwali 1:4, The New English Bible) Ang katuyuan ni Jehova para sa duta matuman: “Ang akon tinutuyo magapadayon, kag ang tanan nga ginakahamut-an ko himuon ko.”—Isaias 46:10.
Busa, nagapati ang mga Saksi ni Jehova nga ang duta magapabilin sing dayon kag ang tanan nga tawo, buhi kag patay, nga magaugyon sa katuyuan ni Jehova para sa isa ka napatahom, napuy-an nga duta mahimo mabuhi sa sini sing dayon. Ang tanan nga tawo nakapanubli sing di-kahimpitan gikan kay Adan kag kay Eva kag, busa, mga makasasala. (Roma 5:12) Ang Biblia nagasugid sa aton: “Ang bayad nga ginabayad sa sala amo ang kamatayon.” “Ang mga buhi nakahibalo nga mapatay sila; apang nahanungod sa mga patay, wala sila makahibalo sing bisan ano.” “Ang kalag nga nagapakasala—ini mismo mapatay.” (Roma 6:23; Manugwali 9:5; Ezequiel 18:4, 20) Kon amo paano sila mabuhi liwat agod mag-ambit sa mga pagpakamaayo sa duta? Paagi lamang sa halad nga gawad ni Cristo Jesus, kay sia nagsiling: “Ako ang pagkabanhaw kag ang kabuhi. Sia nga nagapakita sing pagtuo sa akon, bisan mapatay pa sia, magakabuhi.” “Ang tanan nga yara sa handumanan nga lulubngan makabati sang iya tingog kag magaguwa.”—Juan 5:28, 29; 11:25; Mateo 20:28.
Paano ini mahanabo? Ginapaathag ini sa “maayong balita sang ginharian,” nga ginsugdan ni Jesus nga ibantala sang yari pa sia sa duta. (Mateo 4:17-23) Apang ginabantala karon sang mga Saksi ni Jehova ang maayong balita sa tuman ka pinasahi nga paagi.
[Tsart sa pahina 13]
ANG GINAPATIHAN SANG MGA SAKSI NI JEHOVA
Pagtuluuhan Makasulatanhon nga Rason
Ang Biblia Pulong sang 2 Tim. 3:16, 17;
Dios kag kamatuoran 2 Ped. 1:20, 21; Juan 17:17
Mas masaligan ang Biblia Mat. 15:3; Col. 2:8
sangsa tradisyon
Jehova ang ngalan sang Dios Sal. 83:18; Isa. 26:4;
Si Cristo Anak sang Dios Mat. 3:17; Juan 8:42;
kag kubos sa Iya Juan 14:28; 20:17; 1 Cor. 11:3; 15:28
Si Cristo amo ang una sa Col. 1:15; Bug. 3:14
mga gintuga sang Dios
Napatay si Cristo sa Gal. 3:13; Bin. 5:30
usok, indi sa krus
Ang tawhanon nga kabuhi Mat. 20:28; 1 Tim. 2:5, 6;
ni Cristo ginbayad subong 1 Ped. 2:24
gawad para sa matinumanon
nga mga tawo
Ang isa ka halad ni Cristo Roma 6:10; Heb. 9:25-28
tuman na
Ginbanhaw si Cristo gikan 1 Ped. 3:18; Roma 6:9;
sa minatay subong isa ka Bug. 1:17, 18
di-mamalatyon nga espiritu
nga persona
Ang presensia ni Cristo Juan 14:19; Mat. 24:3;
mangin sa espiritu 2 Cor. 5:16; Sal. 110:1, 2
Yari na kita karon sa Mat. 24:3-14; 2 Tim. 3:1-5;
‘tion sang katapusan’ Luc. 17:26-30
Ang Ginharian sa idalom ni Isa. 9:6, 7; 11:1-5;
Cristo magagahom sa duta sa Dan. 7:13, 14; Mat. 6:10
pagkamatarong kag paghidait.
Ang Ginharian magapaluntad Sal. 72:1-4; Bug. 7:9,
sing himpit nga mga kahimtangan Bug. 7: 10, 13-17; 21:3, 4
para sa pagkabuhi sa duta
Ang duta indi gid malaglag Man. 1:4; Isa. 45:18;
ukon madulaan sing pumuluyo Sal. 78:69
Dulaon sang Dios ang sistema Bug. 16:14, 16;
sang mga butang karon sa Sof. 3:8; Dan. 2:44;
inaway sa Har–Magedon Isa. 34:2; 55:10, 11
Ang mga malauton laglagon Mat. 25:41-46;
sing dayon 2 Tes. 1:6-9
Ang mga tawo nga Juan 3:16; 10:27, 28;
nahamut-an sang Dios Juan 17:3; Mar. 10:29, 30
magabaton sing kabuhi
nga walay katapusan
Isa lamang ang dalan Mat. 7:13, 14;
padulong sa kabuhi Efe. 4:4, 5
Ang tawo nagakapatay Roma 5:12; 6:23
bangod sa sala ni Adan
Ang kalag nagauntat sa Ezeq. 18:4; Man. 9:10;
pagluntad sa kamatayon Sal. 6:5; 146:4; Juan 11:11-14
Ang impierno amo ang Job 14:13, Dy;
kinaandan nga lulubngan Bug. 20:13, 14, AV (marhin)
sang katawhan
Ang paglaum sang mga 1 Cor. 15:20-22;
patay amo ang pagkabanhaw Juan 5:28, 29; 11:25, 26
Ang Adamiko nga 1 Cor. 15:26, 54;
kamatayon madula Bug. 21:4; Isa. 25:8
Isa ka diutay nga panong Luc. 12:32; Bug. 14:1, 3;
lamang nga 144,000 ang 1 Cor. 15:40-53;
magakadto sa langit kag Bug. 5:9, 10
magagahom upod kay Cristo
Ang 144,000 ginapanganak 1 Ped. 1:23; Juan 3:3;
liwat subong espirituwal nga Bug. 7:3, 4
mga anak sang Dios
Ang bag-ong katipan ginhimo Jer. 31:31; Heb. 8:10-13
upod sa espirituwal nga Israel
Ang kongregasyon ni Cristo Efe. 2:20; Isa. 28:16;
gintukod sa iya mismo Mat. 21:42
Ang mga pangamuyo dapat Juan 14:6, 13, 14;
ipatuhoy lamang kay Jehova 1 Tim. 2:5
paagi kay Cristo
Indi dapat gamiton ang Ex. 20:4, 5; Lev. 26:1;
mga imahen sa pagsimba 1 Cor. 10:14; Sal. 115:4-8
Dapat likawan ang espiritismo Deut. 18:10-12; Gal. 5:19-21;
Si Satanas amo ang di-kitaon 1 Juan 5:19; 2 Cor. 4:4;
nga manuggahom sang kalibutan Juan 12:31
Indi dapat makigbahin ang 2 Cor. 6:14-17; 11:13-15;
isa ka Cristiano sa mga Gal. 5:9; Deut. 7:1-5
kahublagan nga ginapakigbahinan
sang lainlain nga relihion
Dapat magpabilin ang isa Sant. 4:4; 1 Juan 2:15;
ka Cristiano nga napain Juan 15:19; 17:16
gikan sa kalibutan
Ginatuman ang mga kasuguan Mat. 22:20, 21;
sang tawo nga wala nagasumpakil 1 Ped. 2:12; 4:15
sa mga kasuguan sang Dios
Ang pagpasulod sing dugo Gen. 9:3, 4; Lev. 17:14;
sa baba ukon mga ugat Bin. 15:28, 29
nagasumpakil sa kasuguan sang Dios
Dapat tumanon ang kasuguan 1 Cor. 6:9, 10; Heb. 13:4;
sang Biblia tuhoy sa moralidad 1 Tim. 3:2;
Ang pagbantay sa Adlaw Deut. 5:15; Ex. 31:13;
nga Inugpahuway ginhatag sa Roma 10:4; Gal. 4:9, 10;
Israel lamang kag natapos Col. 2:16, 17
upod sa Mosaiko nga Kasuguan
Indi nagakaigo ang klero Mat. 23:8-12; 20:25-27;
nga klase kag ang pinasahi Job 32:21, 22
nga mga titulo
Ang tawo wala magtuhaw Isa. 45:12; Gen. 1:27;
kundi gintuga Mat. 19:4
Nagpahamtang si Cristo sing 1 Ped. 2:21; Heb. 10:7;
huwaran nga dapat sundon Juan 4:34; 6:38
sa pag-alagad sa Dios
Ang bawtismo paagi sa Mar. 1:9, 10;
bug-os nga pagtum-oy Juan 3:23; Bin. 19:4, 5
nagasimbulo sang dedikasyon
Ang mga Cristiano malipayon Roma 10:10; Heb. 13:15;
nga nagapamatuod sing dayag Isa. 43:10-12
sa Makasulatanhon nga kamatuoran
[Retrato sa pahina 12]
ANG DUTA . . . gintuga ni Jehova . . . ginaatipan sang tawo . . . ginapuy-an sing dayon
