Ginahanduraw mo bala ang maayo nga mga tion sang nagapakig-upod ka sadto sa katawhan ni Jehova​—ang makapalig-on nga miting sang kongregasyon, makalilipay nga kombension, ang masadya nga eksperiensia sa ministeryo, ukon ang isa ka masadya nga pag-istoryahanay upod sa masigkatumuluo? Wala mo malipatan si Jehova; wala ka man niya malipatan. Ginadumdom niya ang imo matutom nga pag-alagad. Kag nalangkag sia sa pagbulig sa imo nga makabalik sa iya.

“Ako mismo ang magapangita kag magaatipan sa akon mga karnero,” siling ni Jehova, “atipanon ko ang akon mga karnero kaangay sang isa ka manugbantay nga nagatipon sang iya mga karnero nga nag-alaplaag kag nagapakaon sa ila. Luwason ko sila sa tanan nga lugar diin nag-alaplaag sila.”​—Ezequiel 34:11, 12.