BAHIN 3
Ano Ayhan ang Kabuhi sa Paraiso?
Ginhatagan ni Jehova si Adan kag si Eva sang madamo nga maayong butang. Genesis 1:28
Gintuga ni Jehova ang una nga babayi, si Eva, kag ginhatag kay Adan para mangin asawa.—Genesis 2:21, 22.
Gintuga sila ni Jehova nga may perpekto nga lawas kag hunahuna.
Ang ila Paraiso nga puluy-an amo ang hardin sang Eden—isa ka matahom nga lugar nga may suba, mga kahoy nga nagapamunga, kag mga kasapatan.
Si Jehova nagpakighambal sa ila; gintudluan niya sila. Kon mamati sila sa iya, mabuhi sila sing walay katapusan sa Paraiso nga duta.
Ginsilingan sila sang Dios nga indi magkaon sang bunga sang isa ka kahoy. Genesis 2:16, 17
Ang isa sa mga anghel nagrebelde sa Dios. Inang malaut nga anghel amo si Satanas nga Yawa.
Ginpakita ni Jehova kanday Adan kag Eva ang isa ka kahoy sa hardin kag ginsilingan sila nga kon magkaon sila sang bunga sini, mapatay sila.
Indi luyag ni Satanas nga tumanon ni Adan kag ni Eva si Jehova. Gani, naggamit sia sing man-ug para hambalon si Eva nga kon magkaon sia sang bunga sa sina nga kahoy, indi sia mapatay kundi mangin kaangay sang Dios. Siempre, binutig ini.—Genesis 3:1-5.
Basi Manamian Ka Man
IMPORTANTE NGA MGA PANUDLO SANG BIBLIA
Ngaa Gintuga sang Dios ang Duta?
Kanami gid sang pagtuga sang Dios sang aton duta. Insaktuhan lang ang distansia sini sa adlaw, hustuhan ang paghilay sini kag insaktuhan man ang kadasigon sang pagtiyog sini. Ngaa nagpangabudlay gid ang Dios sa pagtuga sang duta?
ANG BIBLIA—ANO ANG MENSAHE SINI?
Ginpaistar sang Manunuga ang Tawo sa Paraiso
Paano ginalaragway sang Biblia ang pagtuga sa tawo? Ano ang ginsugo sang Dios sa una nga mag-asawa?
