BAHIN 11
Nagapamati Bala si Jehova sa Aton?
Ginapamatian sang Dios ang aton pangamuyo. 1 Pedro 3:12
Si Jehova “nagapamati sang pangamuyo.” (Salmo 65:2) Luyag niya nga ipabutyag naton kon ano ang ara sa aton tagipusuon.
Kay Jehova lamang kita dapat mangamuyo.
Madamo kita sing puede ipangamuyo. 1 Juan 5:14
Ipangamuyo nga matuman ang kabubut-on sang Dios sa langit kag sa duta.
Mangamuyo paagi sa ngalan ni Jesus agod ipakita nga ginapabaloran mo ang iya ginhimo para sa imo.
Mangabay kay Jehova nga buligan ka sa paghimo sang maayo. Makapangamuyo ka man nga amanan ka sing pagkaon, trabaho, ilistaran, kag maayong panglawas.
Basi Manamian Ka Man
IMPORTANTE NGA MGA PANUDLO SANG BIBLIA
Ginapamatian Bala sang Dios ang Tanan nga Pangamuyo?
Ano abi kon ang ginapangamuyo sang isa para lang sa iya kaugalingon? Ano abi kon ang bana nga nagasakit sa iya asawa, nangamuyo sa Dios nga pakamaayuhon sia?
