SEKSION 1
Magpagiya sa Dios Para Mangin Malipayon ang Pag-asawahay
“Sia nga nagtuga sa ila sa ginsuguran naghimo sa ila nga lalaki kag babayi.”
Si Jehova * nga Dios ang una nga nagkasal. Ginasugiran kita sang Biblia nga gintuga niya ang una nga babayi kag “gindala sia sa lalaki.” Nalipay gid si Adan amo nga nagsiling sia: “Ini karon tul-an sang akon katul-anan kag unud sang akon unud.” (Genesis 2:22, 23) Luyag gihapon ni Jehova nga mangin malipayon ang mga mag-asawa.
Kon magminyo ka, mahimo maghunahuna ka nga mangin perpekto ang tanan. Pero ang matuod, bisan pa nagahigugmaanay ang mag-asawa may mga problema gihapon sila. (1 Corinto 7:
1 TUNGDI ANG PAPEL NGA GINHATAG NI JEHOVA SA IMO
ANG GINASILING SANG BIBLIA: Ang bana amo ang ulo sang pamilya.
Kon ikaw bana, ginapaabot ni Jehova nga atipanon mo sing maayo ang imo asawa. (1 Pedro 3:7) Ginhimo Niya sia nga kabulig kag kaupod mo, kag luyag Niya nga pakig-angutan mo sia sing mahigugmaon kag may dignidad. (Genesis 2:18) Dapat higugmaon mo gid ang imo asawa kag handa ka nga unahon pirme ang iya kaayuhan.
Kon ikaw asawa, ginapaabot ni Jehova nga tahuron mo sing tudok ang imo bana kag buligan sia nga tungdan ang iya papel. (1 Corinto 11:3; Efeso 5:33) Sakdaga ang iya mga desisyon kag buligi sia sing kinabubut-on. (Colosas 3:18) Kon himuon mo ini, mangin matahom ka sa panulok sang imo bana kag ni Jehova.
ANO ANG MAHIMO MO?
-
Pamangkuta ang imo tiayon kon paano ka mangin mas maayo nga bana ukon asawa. Pamatii sia sing maayo, kag panikasugi nga mahimo ini
-
Mangin mapinasensiahon. Nagakinahanglan sing bastante nga tion agod mahibal-an ninyo kon paano mapahalipay ang isa kag isa
2 TALUPANGDA GID ANG BALATYAGON SANG IMO TIAYON
ANG GINASILING SANG BIBLIA: Dapat talupangdon mo ang kaayuhan sang imo tiayon. (Filipos 2:3, 4) Kabiga sia nga espesyal, kag dumduma nga gusto ni Jehova nga mangin “malulo sa tanan” ang iya mga alagad. (2 Timoteo 2:24) “Ang mga pulong nga wala ginhunahuna sing maayo antes ihambal makasakit pareho sa espada, pero ang mga pulong nga ginhunahuna sing maayo antes ihambal makapaayo.” Gani maghalong sa imo ginahambal. (Hulubaton 12:
ANO ANG MAHIMO MO?
-
Mangamuyo nga buligan ka nga mangin kalmado kag makatarunganon antes istoryahan ninyo nga magtiayon ang serioso nga mga butang
-
Hunahunaa sing maayo kon ano ang imo ihambal kag kon paano mo ini ihambal
3 MAGBULIGAY
ANG GINASILING SANG BIBLIA: Kon mag-asawahay na kamo, mangin “isa ka unod” na kamo sang imo tiayon. (Mateo 19:5) Pero duha gihapon kamo ka indibiduwal kag mahimo may lainlain nga opinyon. Gani dapat matun-an ninyo nga maghiusa ang inyo mga panghunahuna kag balatyagon. (Filipos 2:2) Ang paghiusa kinahanglan kon nagadesisyon. Ang Biblia nagasiling: “Ang tagsa ka katuyoan ginapalig-on tungud sa laygay.” (Hulubaton 20:18) Magpagiya sa mga prinsipio sang Biblia kon nagahimo kamo sang importante nga mga desisyon.
ANO ANG MAHIMO MO?
-
Isugid sa imo tiayon ang imo balatyagon, indi lang ang mga impormasyon ukon opinyon
-
Pamangkuta anay ang imo tiayon antes magdesisyon
^ par. 4 Si Jehova ang ngalan sang Dios sa Biblia. Sa Maayong Balita nga Biblia, ang footnote sang Genesis 2:4 nagasiling: “Ang GINOO sa Hebreo nga teksto Yahweh. Sa iban nga pagbadbad ginagamit ang Jehova.”
Basi Manamian Ka Man
ANG LALANTAWAN
Paano Magmadinalag-on ang Una nga Tuig sang Pag-asawahay?
Bag-o pa lang bala kamo nakasal? Ang Biblia makabulig para mangin mas mabakod ang inyo pag-asawahay.
ANG LALANTAWAN
Mga Bana—Palig-una ang Inyo Puluy-an
Ang pamilya mahimo mangin bastante sa pinansial pero indi mangin maayo sa mas importante nga bastante.
SABAT SA MGA PAMANGKOT SA BIBLIA
Makabulig Bala ang Biblia Para Magmalipayon ang Akon Pamilya?
Ang maalamon nga laygay sang Biblia nakabulig na sa minilyon ka lalaki kag babayi para mangin malipayon ang ila pamilya.
