Halimbawa sa Biblia:

• 2Cr 26:​3-5, 16-21—Nangin matinaastaason si Hari Uzias kay ginlapas niya ang Kasuguan sang Dios kag naakig pa sia sang ginlaygayan sia, gani ginsilutan sia sang Dios sing aro

• Lu 18:​9-14—Paagi sa ilustrasyon, ginpaathag ni Jesus ang ginabatyag ni Jehova sa mga pangamuyo sang matinaastaason kag mapainubuson

Halimbawa sa Biblia:

• 2Cr 12:​5-7—Nagpaubos si Hari Rehoboam kag ang mga pangulo sang Juda kay Jehova, gani wala sila ginlaglag

• 2Cr 32:​24-26—Nangin matinaastaason ang maayo nga hari nga si Ezequias, pero ginpatawad sia ni Jehova sang nagpaubos sia

Halimbawa sa Biblia:

• Ge 33:​3, 4—Dalayawon gid ang pagpaubos nga ginpakita ni Jacob sang ginsugata niya ang iya akig sadto nga utod nga si Esau, gani nangin maayo ang kaangtanan nila nga duha

• Huk 8:​1-3—Mapainubuson nga ginsilingan ni Hukom Gideon ang mga lalaki sang Efraim nga mas maayo sila sangsa iya, gani nag-ugdaw ang ila kaakig kag nalikawan ang pag-ilinaway

Halimbawa sa Biblia:

• Isa 53:7; Fil 2:​7, 8—Bilang katumanan sang tagna, mapainubuson nga ginbaton ni Jesus ang iya asaynment diri sa duta kag handa pa sia gani nga maeksperiensiahan ang masakit kag makahuluya nga kamatayon

• Lu 14:​7-11—Nagsugid si Jesus sing ilustrasyon parte sa pagpungko sa mga pulungkuan sa punsion para itudlo nga importante ang pagkamapainubuson

• Ju 13:​3-17—Nangin maayo nga halimbawa si Jesus sa iya mga sumulunod kay mapainubuson niya nga ginhugasan ang mga tiil sang iya mga apostoles