Halimbawa sa Biblia:

• Ge 24:​1-4, 7—Determinado si Abraham nga ang mapangasawa sang iya bata nga si Isaac isa sa mga alagad ni Jehova, indi isa ka Canaanhon nga nagasimba sa iban nga dios

• Ge 28:​1-4—Ginsilingan ni Isaac ang iya bata nga si Jacob nga mangita sing asawa sa mga alagad ni Jehova, indi sa mga Canaanhon

Halimbawa sa Biblia:

• 1Ha 11:​1-6, 9-11—Naakig gid si Jehova kay Hari Solomon kay wala sia namati sa Iya paandam nga indi mangasawa sing mga dumuluong, nga sang ulihi naghaylo sa iya nga magsimba sa iban nga dios

• Ne 13:​23-27—Pareho kay Jehova, naakig man si Gobernador Nehemias sa Israelinhon nga mga lalaki nga nangasawa sang mga dumuluong nga wala nagasimba kay Jehova, gani gindisiplina niya sila

Halimbawa sa Biblia:

• 1Sa 25:​2, 3, 14-17—Si Nabal isa ka manggaranon nga tawo, pero mapintas sia kag malain sing batasan, gani nangin indi sia maayo nga bana kay Abigail

• Hul 21:9—Kon indi kita maalamon sa pagpili sang bana ukon asawa, mangin indi kita malipayon kag madula ang aton kalinong

• Ro 7:2—Ginpaathag ni apostol Pablo nga kon ang babayi mamana, mahigot na sia sa awtoridad sang iya indi perpekto nga bana; gani dapat maghalong gid ang babayi sa pagpili sang iya pamanahon

Halimbawa sa Biblia:

• Hul 24:27—Antes mangasawa ang lalaki kag posible mangin amay, dapat handa na sia nga suportahan ang iya pamilya

Halimbawa sa Biblia:

• Rut 2:​4-7, 10-12—Nakilala ni Boaz si Rut paagi sa pag-obserbar sa kon paano sia nagaobra kag kon ano ang ginasiling sang iban parte sa iya, pareho sang pagpakig-angot ni Rut sa iya pamilya kag ang iya espirituwalidad

• Rut 2:​8, 9, 20—Nakilala ni Rut si Boaz paagi sa pag-obserbar sa iya kaayo, kaalwan, kag sa iya gugma kay Jehova

Halimbawa sa Biblia:

• Hul 5:​18, 19—Ang pila ka pisikal nga pagpabutyag sang gugma para lang sa mga mag-asawa

• Amb 1:2; 2:6—Sang naganobyahanay ang manugbantay sang karnero kag ang Sulamita, ginpabutyag nila ang ila pagpalangga sa nagakaigo kag matinlo nga paagi

• Amb 4:12; 8:​8-10—Ginpakita sang Sulamita ang pagpugong sa kaugalingon; ginpaanggid sia sa nakudalan nga hardin

Halimbawa sa Biblia:

• Ge 21:​8-12—Ginsilingan ni Jehova si Abraham nga mamati sa iya asawa nga si Sara, bisan pa indi gusto ni Abraham ang panugda ni Sara

• Hul 31:​10, 11, 16, 28—Base sa sini nga mga bersikulo, wala ginakontrol kag ginapangitaan sing sala sang maalamon nga bana ang iya maayo nga asawa; kundi ginasaligan kag ginadayaw niya sia

• Efe 5:33—Nagsiling si apostol Pablo nga dapat mabatyagan sang asawa ang pagpalangga sang iya bana

Halimbawa sa Biblia:

• Hul 1:8; 1Co 7:4—Ginhatagan man sang Dios ang mga asawa kag mga iloy sing pila ka awtoridad sa pamilya

• 1Co 11:3—Ginpaathag ni apostol Pablo nga sa kahimusan ni Jehova, ang tanan napaidalom sa pagkaulo magluwas lang sa Dios nga Labing Gamhanan

• Heb 13:​7, 17—Sa kongregasyon, ang mga lalaki kag mga babayi dapat magpasakop sa mga gintangdo nga manguna

Halimbawa sa Biblia:

• Ge 18:12; 1Pe 3:​5, 6—May tudok gid nga pagtahod si Sara sa iya bana, kag ginkabig niya sia nga iya “ginuo” ukon espirituwal nga ulo

Halimbawa sa Biblia:

• Ge 24:​62-67—Sang napatay ang iloy ni Isaac, ginpaumpawan sia sang iya asawa nga si Rebeca

• 1Sa 25:​14-24, 32-38—Ginproteksionan ni Abigail ang iya buangbuang nga bana kag ginluwas ang iya panimalay paagi sa pagpakitluoy kay David

• Est 4:​6-17; 5:​1-8; 7:​1-6; 8:​3-6—Duha ka beses nga ginrisgo ni Rayna Ester ang iya kabuhi, paagi sa pagpalapit sa iya bana nga hari bisan wala sia ginpatawag, para maproteksionan ang katawhan sang Dios