Halimbawa sa Biblia:

• Sa 78:​40, 41; 106:​36-46—Bisan pa madamo nga beses nga ginsakit sang mga Israelinhon ang balatyagon ni Jehova, sulitsulit Niya sila nga ginpatawad

• Lu 15:​11-32—Ginlaragway ni Jesus ang pagpatawad ni Jehova paagi sa ilustrasyon parte sa maluluy-on nga amay nga nagpatawad sa iya rebelde nga anak nga naghinulsol sang ulihi

 Halimbawa sa Biblia:

• Heb 9:​22-28—Ginpaathag ni apostol Pablo nga mapatawad ni Jehova ang aton mga sala bangod sa halad-gawad sang Cristo

• Bug 7:​9, 10, 14, 15—Nakita ni apostol Juan sa palanan-awon “ang daku nga kadam-an” nga may matinlo nga tindog sa atubangan sang Dios bangod nagatuo sila sa halad-gawad ni Jesus

Halimbawa sa Biblia:

• Job 42:​7-10—Antes ginkuha ni Jehova ang kapipit-an ni Job kag ginbalik ang iya maayo nga panglawas kag manggad, ginsugo Niya sia nga ipangamuyo ang iya tatlo ka abyan

• Mat 18:​21-35—Nagsugid si Jesus sing ilustrasyon para ipakita nga para patawaron kita ni Jehova, dapat man naton patawaron ang iban

Halimbawa sa Biblia:

• Sa 32:​1-5; 51:​1, 2, 16, 17—Bangod sang serioso nga sala nga nahimo ni Hari David nagkalisod sia, kag sinsero nga naghinulsol

• San 5:​14-16—Nagpaathag si Santiago nga kon makahimo kita sing serioso nga sala, dapat naton ini isugid sa mga gulang

Halimbawa sa Biblia:

• 1Ha 21:​27-29; 2Cr 18:​18-22, 33, 34; 19:​1, 2—Sang ginhukman si Hari Ahab, nagpaubos sia kag ginpakitaan sia ni Jehova sing kaluoy; pero indi matuod ang iya paghinulsol gani wala sia ginpatawad ni Jehova kag ginpatay sia

• 2Cr 33:​1-16—Malain gid si Hari Manases, pero ginpatawad sia ni Jehova sang matuod sia nga naghinulsol. Ginpakita niya ini paagi sa pagtinguha nga dulaon ang pagsimba sa mga diosdios kag pagpalig-on sa katawhan nga simbahon si Jehova

Halimbawa sa Biblia:

• 2Sa 12:13; 24:1; 1Ha 9:​4, 5—Bisan pa mabug-at ang sala ni David, ginpatawad ni Jehova ang mahinulsulon nga hari kag gintawag sia sang ulihi nga tawo nga may integridad

Halimbawa sa Biblia:

• Mat 26:​36, 40, 41—Ang mga sumulunod ni Jesus nga suod sa iya natulugan sa tion nga kinahanglan niya ang ila suporta, pero kabalo si Jesus sang ila mga limitasyon

• Mat 26:​69-75; Lu 24:​33, 34; Bin 2:​37-41​—Tatlo ka beses nga ginpanghiwala ni Pedro si Jesus, pero ginpatawad sang Cristo ang iya mahinulsulon nga apostoles; pagkatapos mabanhaw si Jesus, nagpakita sia kay Pedro kag ginhatagan niya si Pedro sang pinasahi nga pribilehiyo sa kongregasyon

Halimbawa sa Biblia:

• Mat 23:​29-33—Ginpaandaman ni Jesus ang mga escriba kag mga Fariseo nga pagasilutan sila sa Gehenna, ukon permanente sila nga pagalaglagon

• Ju 17:12; Mar 14:21—Gintawag ni Jesus si Judas Iscariote nga “anak sang kalaglagan” kag nagsiling si Jesus nga mas maayo pa nga wala na lang sia mabun-ag