Pangamuyo
Ngaa makasiling kita nga ginapamatian kag ginasabat ni Jehova ang aton mga pangamuyo?
Tan-awa man ang Sa 66:19; Bin 10:31; Heb 5:7
-
Halimbawa sa Biblia:
-
1Ha 18:36-38—Ginsabat dayon ni Jehova ang pangamuyo ni manalagna Elias sang gin-atubang niya ang mga manalagna ni Baal sa Bukid Carmel
-
Mat 7:7-11—Ginpalig-on kita ni Jesus nga magpadayon sa pagpangamuyo kag ginpasalig kita nga bilang aton mapinalanggaon nga Amay, ginapamatian gid kita ni Jehova
-
Kay sin-o lang gid dapat mangamuyo ang mga Cristiano?
Kay sin-o ngalan kita nagapangamuyo?
Kay sin-o pangamuyo ang ginapamatian ni Jehova?
Kay sin-o pangamuyo ang wala ginapamatian ni Jehova?
Hul 15:29; 28:9; Isa 1:15; Miq 3:4; San 4:3; 1Pe 3:7
-
Halimbawa sa Biblia:
-
Jos 24:9, 10—Wala ginpamatian ni Jehova si Balaam kay ang ginpangayo niya indi suno sa kabubut-on sang Dios
-
Isa 1:15-17—Wala ginpamatian ni Jehova ang mga pangamuyo sang iya katawhan bangod nangin salimpapaw sila kag ang ila mga kamot puno sing dugo
-
Ano ang pirme naton ginahambal sa katapusan sang pangamuyo, kag ngaa?
May ginasiling bala ang Biblia kon ano dapat ang aton posisyon kon nagapangamuyo?
1Ha 8:54; Mar 11:25; Lu 22:39, 41; Ju 11:41
Tan-awa man ang Jon 2:1
Ano ang pila ka butang nga puede ipangamuyo sang mga alagad ni Jehova kon nagatipon sila sa pagsimba?
-
Halimbawa sa Biblia:
-
1Cr 29:10-19—Ginpangunahan ni Hari David ang bug-os nga katilingban sang Israel sa pagpangamuyo sang naghatag ang katawhan sing amot para sa pagtukod sang templo
-
Bin 1:12-14—Ululupod nga nangamuyo ang mga apostoles, mga utod ni Jesus, si Maria nga iloy ni Jesus, kag ang pila ka matutom nga babayi sa kuarto sa ibabaw sa Jerusalem
-
Kon nagapangamuyo, ngaa likawan naton nga pakataason ang aton kaugalingon ukon magpadayawdayaw sa iban?
Ngaa dapat kita mangamuyo antes magkaon?
Ngaa dapat padayon kita nga mangamuyo sa aton Amay sa langit?
Ro 12:12; Efe 6:18; 1Te 5:17; 1Pe 4:7
-
Halimbawa sa Biblia:
-
Dan 6:6-10—Bisan posible nga patyon si manalagna Daniel, padayon niya nga ginhimo ang iya kinabatasan sa pagpangamuyo kay Jehova bisan makita sia sang iban
-
Lu 18:1-8—Gingamit ni Jesus ang halimbawa sang indi matarong nga hukom nga ginbuligan ang babayi bangod padayon ini nga nagapangayo sing hustisya sa iya para ipakita nga ang aton matarong nga Amay handa nga magbulig sa Iya mga alagad nga padayon nga nagapangamuyo sa Iya
-
Ano dapat ang aton panimuot para pamatian sang Dios ang aton mga pangamuyo nga nagapangayo sing patawad?
-
Halimbawa sa Biblia:
-
2Ha 22:11-13, 18-20—Bangod nagpaubos si Hari Josias kag gintinguhaan niya nga mapalipay si Jehova, ginpakitaan sia ni Jehova sing kaluoy kag kaayo
-
2Cr 33:10-13—Mapainubuson nga nangamuyo si Hari Manases, gani ginpatawad sia ni Jehova kag ginbalik sa pagkahari
-
Ano ang dapat naton himuon para patawaron kita ni Jehova?
Ngaa maayo gid nga ilakip naton sa aton mga pangamuyo nga gusto naton matuman ang kabubut-on sang Dios?
Ngaa ang aton mga pangamuyo dapat nagapakita sing pagsalig sa aton Amay sa langit?
Ano ang puede naton ipangamuyo?
Ang pagpakabalaan sa ngalan sang Dios
Ang pagkari sang Ginharian sang Dios para maggahom sa bug-os nga duta
Ang katumanan sang kabubut-on ni Jehova
Ang pagpangabay sang aton materyal nga kinahanglanon
Ang pagpangayo sing patawad sa aton mga sala
Ang proteksion sa mga pagsulay
Ang pagpasalamat
Ang pagpangabay nga hatagan kita sing ihibalo parte sa kabubut-on sang Dios, paghangop, kag kaalam
Tan-awa man ang Sa 119:34
-
Halimbawa sa Biblia:
-
1Ha 3:11, 12—Nalipay gid si Jehova kay kaalam ang ginpangayo ni Hari Solomon, gani ginhatagan Niya sia sing daku nga kaalam
-
Ang pagpangabay sang balaan nga espiritu
Ang aton mga kauturan, lakip na ang mga ginahingabot
Ang pagdayaw kay Jehova
-
Halimbawa sa Biblia:
-
Lu 10:21—Gindayaw ni Jesus ang iya Amay kay ginpahayag Niya ang kamatuoran sa mga mapainubuson
-
Bug 4:9-11—Ang pamilya ni Jehova sa langit nagahatag sa Iya sing dungog kag himaya
-
Ang pagpangabay nga pasugtan kita sang mga awtoridad sa pagsimba kay Jehova kag pagbantala sa mga tawo
Tan-awa man ang Jer 29:7
Nagakaigo bala ang pagpangamuyo sa tion sang bawtismo?
Nagakaigo bala nga ipangamuyo naton ang mga nagamasakit sa espirituwal?
Ngaa ang mga lalaki wala nagapandong kon nagapangamuyo, pero ngaa kon kaisa, nagapandong ang mga babayi kon nagapangamuyo?
Para sa Dios, ano ang mas importante sangsa aton malawig kag emosyonal nga mga pangamuyo?
-
Halimbawa sa Biblia:
-
1Ha 18:25-29, 36-39—Bilang sabat sa hangkat ni manalagna Elias, inoras nga nagpanawag ang mga manalagna ni Baal sa ila dios—pero wala gid sing nagsabat
-
Bin 19:32-41—Ang mga tawo sa Efeso nagsinggit sa ila diosa nga si Artemis sa sulod sang duha ka oras, pero wala gid sing may natabo kundi ginsaway lang sila sang isa ka opisyal sang siudad nga untatan na ang pagpanggamo
-
Basi Manamian Ka Man
SI JESUS—ANG DALAN, ANG KAMATUORAN, ANG KABUHI
Ang Duha nga Kinahanglan Gid—Pangamuyo kag Pagpaubos
Sa iya ilustrasyon parte sa malaut nga hukom kag sa balo nga babayi, ginpadaku ni Jesus nga importante ang isa ka kinaiya.
ANG LALANTAWAN
Pangamuyo—Ang Benepisyo Sini sa Imo
Ano ang mapaabot mo kon himuon mo nga regular nga bahin sang imo kabuhi ang pangamuyo?
SABAT SA MGA PAMANGKOT SA BIBLIA
Patawaron Bala Ako sang Dios?
Binagbinaga ang ginasiling sang Biblia parte sa kon paano mapatawad sang Dios.
SABAT SA MGA PAMANGKOT SA BIBLIA
Ngaa Mangamuyo? Sabton Bala Ako sang Dios?
Sa imo nagadepende kon bala pamatian sang Dios ukon indi ang imo mga pangamuyo.
ANG LALANTAWAN
Ngaa Dapat Mangamuyo sa Ngalan ni Jesus?
Sa iya katapusan nga gab-i sa duta, ginpakita ni Jesus ang isa ka paagi sa pagpalapit sa Dios.
PARTE SA AMON
Mag-request nga Kadtuan Ka
Istoryahi ninyo ang isa ka pamangkot sa Biblia, ukon ang dugang nga impormasyon parte sa mga Saksi ni Jehova.
