Magpangamuyo kag maghanda sing maayo. Magpangamuyo para makakonsentrar sa mensahe, indi sa imo kaugalingon. Dapat maathag sa imo ang panguna nga mga punto nga luyag mo isiling. Ipabutyag ini sa imo kaugalingon nga mga tinaga; indi lang pagbasaha ang kada tinaga.

Maghambal sing tinagipusuon. Hunahunaa kon ngaa dapat mabatian sang imo mga tagpalamati ang mensahe. Magpokus sa ila. Ipakita sa imo postura, pagkumpas, kag ekspresyon sang nawong ang pagkasinsero kag pagkamainabyanon.

Tuluka ang imo mga tagpalamati. Kon wala man lang sing malain, tuluka sa mata ang imo mga tagpalamati. Kon nagapamulongpulong, tuluka ang kada indibiduwal sa baylo sang kabilugan nga grupo.