Impormasyon para sa mga Tumalambong
PINASAHI NGA MITING
SCHOOL FOR KINGDOM EVANGELIZERS Ang mga payunir nga nagaedad sing 23 asta 65 anyos nga interesado sa pagpasangkad sang ila ministeryo ginaagda nga magtambong sa miting para sa mga aplikante sa School for Kingdom Evangelizers sa Domingo sang aga. Ipahibalo kon diin kag ano oras ini hiwaton.
IMPORMASYON PARA SA MGA TUMALAMBONG
ATENDANT Ang mga atendant gintangdo agod magbulig sa inyo. Palihug magkooperar gid kamo sa ila paagi sa pagsunod sa ila panuytoy may kaangtanan sa pagparking sang salakyan, kon diin maagi pasulod ukon pagua, pagtigana sing mga pulungkuan, kag iban pa.
BAWTISMO May nareserba nga mga pulungkuan para sa mga kandidato sa bawtismo sa atubangan sang entablado. Dapat nakapungko na sila antes magsugod ang pamulongpulong sa bawtismo sa Sabado sang aga. Ang kada isa dapat magdala sing tualya kag maugdang nga pangpaligo.
DONASYON Daku ang ginagasto para maamanan kita sing komportable nga tilipunan, maayo nga sound system, kag iban pa nga mga kinahanglanon agod mangin makalilipay ang pagtambong sa kombension kag magasuod pa gid kita kay Jehova. Ang inyo kinabubut-on nga mga donasyon makabulig para sa sini nga mga galastuhan kag makasakdag man sang bug-os kalibutan nga hilikuton. Para mas mahapos sa inyo, may mga kahon-alamutan sa bug-os nga pasilidad. Ginaapresyar gid ang inyo mga donasyon. Luyag kamo pasalamatan sang Nagadumala nga Hubon sa inyo maalwan nga pagsakdag sa intereses sang Ginharian.
FIRST AID Palihug dumduma nga PARA LAMANG INI SA TION SANG EMERHENSIA.
LOST AND FOUND Ang mga butang nga inyo nakit-an dapat dal-on sa sini nga departamento. Mahimo kamo magkadto sa sini nga departamento kon nadulaan kamo sang pagkabutang. Ang mga bata nga nahamulag sa ila mga ginikanan dapat dal-on sa sini nga departamento. Para magpabilin nga mahim-ong ang tanan, palihug bantayi ang inyo kabataan.
PULUNGKUAN Palihug magpasunaid sa iban. Dumduma nga mahimo lamang kamo makatigana sing pulungkuan para sa mga kaupod ninyo sa salakyan, kaupod sa balay, ukon sa inyo ginatun-an sa Biblia. Palihug indi pagbutangi sang mga butang ang mga pulungkuan nga wala ninyo ginatigana.
VOLUNTEER SERVICE Kon luyag ninyo magboluntaryo sa kombension, palihug magkadto sa Information kag Volunteer Service Department.
Ginhanda sang Nagadumala nga Hubon sang mga Saksi ni Jehova
