KAHON 19B
Ang Ilig Nangin Masulog!
Ginsundan ni Ezequiel ang suba samtang nagailig ini halin sa santuaryo ni Jehova kag milagruso nga nagdalom asta nga nagsulog sa halos duha lang ka kilometro ang kalayuon! Sa pangpang sang suba, nakita niya ang mga kahoy nga nagapamunga sing masustansia nga mga bunga kag nagapaayo. Ano ang buot silingon sini tanan?
Ang Suba nga Nagahatag sing Pagpakamaayo
DUMAAN NGA TION: Sang nakabalik na ang mga tinapok sa ila duta nga natawhan, nag-ilig ang mga pagpakamaayo sa ila samtang nagapakigbahin sila sa pagpasag-uli sang putli nga pagsimba sa templo
MODERNO NGA TION: Sang 1919, napasag-uli ang putli nga pagsimba, kag nagresulta ini sa wala-untat nga pagpakamaayo sa espirituwal sa matutom nga mga alagad sang Dios
PALAABUTON: Sa tapos sang Armageddon, ang pag-ilig sang pagpakamaayo ni Jehova indi lang sa pisikal kundi sa espirituwal man
Tubig nga Nagahatag sing Kabuhi
DUMAAN NGA TION: Bugana nga ginpakamaayo ni Jehova ang iya matinumanon nga katawhan, kag samtang nagadamo sila, padayon sila nga nagauswag sa espirituwal
MODERNO NGA TION: Sa espirituwal nga paraiso nga padayon nga nagauswag subong, nagadamo ang nakabenepisyo sa nagasulog pa gid nga pag-ilig sang espirituwal nga pagpakamaayo ni Jehova kag nabuhi sa espirituwal
PALAABUTON: Ang minilyon nga banhawon magaupod sa mga maluwas sa Armageddon, kag mangin bugana para sa tanan ang pagpakamaayo ni Jehova
Nagapamunga nga mga Kahoy nga Mahimo Kaunon kag Makapaayo
DUMAAN NGA TION: Sa espirituwal nga kahulugan, ginpakaon ni Jehova ang iya matutom nga katawhan sa ila napasag-uli nga duta; gin-ayo man niya ang ila espirituwal nga balatian nga madugay na nila nga ginaantos
MODERNO NGA TION: Ang bastante nga suplay sang espirituwal nga pagkaon nagabulig sa katawhan para indi magbalatian kag magutman sa espirituwal pareho sa nagakatabo sa kalibutan subong
PALAABUTON: Ang Cristo kag ang iya 144,000 nga kaupod nga manuggahom magabulig sa tanan nga matinumanon nga katawhan nga mangin perpekto kag matigayon ang kapagros kag kapagsik sing dayon!
