KAHON 7B
Panguna nga mga Ekspresyon sa Libro sang Ezequiel
“Anak sang Tawo”
MABASA SING SOBRA 90 KA BESES
Sobra 90 ka beses nga ginpatuhuyan si Ezequiel subong “anak sang tawo.” (Ezeq. 2:1) Ginpahanumdom sia ni Jehova nga bisan pa nakabaton sia sing pinasahi nga pribilehiyo, isa lang sia gihapon ka tawo. Talalupangdon nga sa rekord sang Ebanghelyo, ginpatuhuyan si Jesus bilang “Anak sang tawo” sing mga 80 ka beses. Ginapakita sini nga nangin tawo gid sia kag indi lang isa ka anghel nga nagpakatawo.—Mat. 8:20.
“Makilala . . . nga Ako Amo si Jehova”
MABASA SING SOBRA 50 KA BESES
Sobra 50 ka beses nga ginsulat ni Ezequiel ang ginsiling sang Dios nga ‘makilala sang mga tawo nga ako amo si Jehova,’ nga nagapadaku nga si Jehova lamang ang isa nga dapat hatagan sing putli nga pagsimba.—Ezeq. 6:7.
“Soberanong Ginuong Jehova”
MABASA SING 217 KA BESES
Ang ekspresyon nga “Soberanong Ginuong Jehova” mabasa sing 217 ka beses. Ginapakita sini nga importante gid ang ngalan sang Dios, kag ang tanan nga tinuga kubos kay Jehova.—Ezeq. 2:4.
