SEKSION TRES
“Tipunon” Ko Kamo—Promisa nga Pagpasag-uli sang Putli nga Pagsimba
POKUS: Ang pagpasag-uli ginpahayag sa mga tagna ni Ezequiel
Ang paghiusa sang Israel naguba bangod sa apostasya. Nag-antos ang Israel sa mga resulta sang iya ginhimo; ginhigkuan niya ang putli nga pagsimba kag ginpasipalahan ang ngalan sang Dios. Daw wala na sing paglaum ang Israel. Pero ginsugo ni Jehova si Ezequiel nga magpahayag sing sunodsunod nga mga tagna nga magahatag sing paglaum. Paagi sa maathag nga mga ilustrasyon kag makahalawhaw nga mga palanan-awon, ginpalig-on ni Jehova indi lang ang mga bihag nga Israelinhon kundi ang tanan nga nagahandum nga mapasag-uli ang putli nga pagsimba.
SA SINI NGA SEKSION
KAPITULO 8
“Hatagan Ko Sila sing Manugbantay”
Gingiyahan sang Dios si Ezequiel sa pagsulat sang tagna parte sa Mesias, ang palaabuton nga Manuggahom kag Manugbantay sang katawhan ni Jehova, nga permanente nga magapasag-uli sang putli nga pagsimba.
KAPITULO 9
“Hatagan Ko Sila sing Nahiusa nga Tagipusuon”
Ang mga tagna bala nga ginhatag sa matutom nga tinapok nga mga Judiyo sa Babilonia may kahulugan sa aton?
KAPITULO 10
“Mabuhi Kamo”
Si Ezequiel may palanan-awon parte sa nalupyakan nga puno sang mamala nga mga tul-an nga nabuhi. Ano ang buot silingon sini?
KAPITULO 11
“Gintangdo Ko Ikaw nga Bantay”
Ano ang papel kag responsibilidad sini nga bantay? Ano nga paandam ang iya ipahayag?
KAPITULO 12
“Himuon Ko Sila nga Isa ka Pungsod”
Nagpromisa si Jehova nga mahiusa liwat ang iya katawhan.
KAPITULO 13
Isugid ang Nahanungod sa Templo
Ano ang kahulugan sang templo nga nakita ni Ezequiel sa palanan-awon?
KAPITULO 14
“Amo Ini ang Kasuguan Nahanungod sa Templo”
Ano nga mga leksion ang mahimo natun-an sang mga Judiyo sang panahon ni Ezequiel sa iya palanan-awon parte sa templo? Kag ano ang kahulugan sini nga palanan-awon sa aton subong?
