BAHIN 1
Pagpanuga Tubtob sa Anaw
Paano nagluntad ang adlaw, bulan kag mga bituon, subong man ang madamung butang? Ang Biblia nagasabat sing matuod. Gintuga ini sila sang Dios. Gani ang aton libro nagaumpisa sa mga sugilanon sang Biblia tuhoy sa pagpanuga.
Una ginhimu sang Dios ang mga anghel. Mga espiritu sila nga persona kaangay niya. Apang ang duta gintuga para sa mga tao kaangay naton. Gani ginhimu sang Dios ang lalaki kag babae nga si Adan kag si Eva, kag ginbutang sila sa matahom nga katamnan. Apang ginlalis nila ang Dios.
Kutob sa tion ni Adan tubtob sa Anaw may 1,656 ka tuig. Sa sulod sining tion, madamung malaut ang nagkabuhi. Sa langit amo si Satanas kag ang iya malaut nga mga anghel. Sa duta amo si Cain kag madamu pa nga malaut. Apang may maayo man—sanday Abel, Enoc kag Noe. Sa bahin UNO mabasa naton ang tanan tuhoy sining mga tao kag hitabu.
SA SINI NGA SEKSION
SUGILANON 1
Nagpanuga ang Dios
Ang sugilanon parte sa pagpanuga sa Genesis manami basahon kag hangpon—bisan sang magagmay nga mga bata.
SUGILANON 2
Matahom nga Katamnan
Suno sa Genesis, Ginhimo sang Dios ang katamnan sang Eden nga isa ka espesyal nga lugar. Gusto sang Dios nga ang bilog nga duta mangin pareho sinang matahom nga katamnan.
SUGILANON 3
Unang Lalaki kag Babaye
Gintuga sang Dios sanday Adan kag Eva kag ginpaistar sila sa katamnan sang Eden. Sila ang una nga mag-asawa.
SUGILANON 4
Nadula Nila ang ila Puloy-an
Ginasugid sa aton sang nahauna nga libro sa Biblia nga Genesis kon paano nadula ang orihinal nga paraiso.
SUGILANON 5
Nagbudlay ang Pangabuhi
Madamo sing problema sanday Adan kag Eva sa gua sang katamnan sang Eden. Kon gintuman lang nila ang Dios, malipayon kuntani ang ila kabuhi pati na sang ila mga anak.
SUGILANON 6
Maayo kag Malain nga Anak
Ang sugilanon ni Cain kag Abel, sa Genesis, nagatudlo sa aton kon ano dapat kita nga klase sang tawo, kag kon ano nga panimuot ang bag-uhon antes mangin ulihi ang tanan.
SUGILANON 7
Ang Maisog nga Tao
Ginapakita sang halimbawa ni Enoc nga mahimo mo kon ano ang husto, bisan ang iban nagahimo sing malain.
SUGILANON 8
Mga Higante sa Duta
Mabasa sa Genesis kapitulo 6 ang parte sa mga higante nga nagapanghalit. Ginatawag sila nga nefilim, kag mga anak sila sang nagpakasala nga mga anghel nga nagbiya sa langit kag nag-istar sa duta pareho sa tawo.
SUGILANON 9
Si Noe Nagtukod Sing Arka
Naluwas si Noe kag ang iya pamilya sa Anaw bangod gintuman nila ang Dios bisan pa ang iban indi magpamati.
Ang Daku nga Anaw
Nagkadlaw ang mga tawo sang nagpaandam si Noe. Pero nag-untat sila sang nag-ulan asta magbaha! Hibalua kon paano naluwas si Noe, ang iya pamilya, kag ang madamo nga kasapatan paagi sa iya arka.
