BAHIN 5
Pagkabihag sa Babilonia Tubtob sa Pagpatindog Liwat sang Pader sang Jerusalem
Samtang sa Babilonia, ang mga Israelinhon may madamu nga pagtilaw sa ila pagtuo. Sanday Sadrac, Mesac kag Abednego gindap-ong sa kalayuhon nga hurno, apang ginpagua sila sang Dios nga buhi. Sang ulihi, si Daniel ginhulog sa lungib sang mga leon, apang gin-amligan man sia sang Dios.
Sang ulihi, ginhilway sang Persianhon nga si Hari Ciro ang mga Israelinhon. Nagbalik sila sa ila duta pagligad sang 70 ka tuig nga pagkabihag nila. Sa gilayon, ginpatindog nila ang templo ni Jehova. Apang, bangod sang pagtublag sang ila mga kaaway, natapos ini pagligad lamang sing mga 22 ka tuig.
Masunod maton-an naton ang tuhoy sa pagbalik ni Esdras sa Jerusalem agod patahumon ang templo, mga 47 ka tuig sa tapos makompleto ini. Nian, 13 ka tuig sang ulihi, nagbulig si Nehemias sa pagpatindog liwat sang naguba nga pader sang Jerusalem. Ang bahin SINGKO nagatuptop sing 152 ka tuig sang maragtas tubtob sining tion.
SA SINI NGA SEKSION
SUGILANON 77
Indi Sila Magyaub
Luwason ayhan sang Dios sa nagadabadaba nga hurno ining tatlo ka matinumanon nga pamatan-on?
SUGILANON 78
Ang Sulat sa Dingding
Ginpaathag ni manalagna Daniel ang kahulugan sang apat ka makatilingala nga tinaga.
SUGILANON 79
Si Daniel sa Lungib sang Leon
Ginpamatbatan si Daniel sing kamatayon, pero malikawan bala niya kuntani ini?
SUGILANON 80
Ang Kataohan sang Dios Nagbiya sa Babilonia
Natuman ni Hari Ciro sang Persia ang isa ka tagna sang ginbihag niya ang Babilonia, kag subong natuman niya ang isa pa.
SUGILANON 81
Pagsalig sa Bulig ni Jehova
Ginlapas sang mga Israelinhon ang kasuguan sang tawo para tumanon ang Dios. Pakamaayuhon bala sila sang Dios?
SUGILANON 82
Si Mardoqueo kag si Ester
Matahom si Rayna Vasti, pero ginbuslan sia ni Hari Ahasuero kay Ester bilang bag-o nga rayna. Ngaa?
SUGILANON 83
Ang mga Pader sang Jerusalem
Samtang ginakay-o sang mga manugtukod ang pader, dapat dala nila ang ila espada kag bangkaw adlaw man ukon gab-i.