HALOS duha ka tuig na ang nagligad kutob sang ang Babilonia ginbihag sang mga Midianhon kag Persianhon. Kag tan-awa ang nagakatabu karon! Huo, ang mga Israelinhon nagbiya sa Babilonia. Sin-o ang nagpalakat sa ila?

Amo si Ciro, nga hari sang Persia. Sa wala pa matao si Ciro may ginsulat na si manalagna Isaias tuhoy sa iya: ‘Himuon mo ang ipahimu ko sa imo. Ang mga gawang biyaan nga bukas agod mabihag mo ang siudad.’ Kag si Ciro ang nanguna sa pagbihag sang Babilonia. Ang iya hangaway nagsulod sa siudad sang gab-i paagi sa mga gawang nga ginbiyaan nga bukas.

Apang ang manalagna ni Jehova nga si Isaias nagsiling man nga imandu ni Ciro ang pagpatindog liwat sang Jerusalem kag sang templo sini. Ginhatag bala ni Ciro ini nga sugo? Huo. Kag amo ini ang buot himuon sang mga Israelinhon nga nagbiya.

Apang indi tanan nga Israelinhon sa Babilonia makasarang sa malawig nga paglakbay pa Jerusalem. Gani nagsiling si Ciro sa mga wala naglakat: ‘Hatagi sing pilak kag bulawan kag iban pa nga dulot ang mga magabalik agid ipatindog ang Jerusalem kag ang templo sini.’

Madamu gid nga dulot ang ginhatag sa mga magabalik agod ipatindog ang Jerusalem kag ang templo sini.’

Madamu gid nga dulot ang ginhatag sa mga Israelinhon nga manugpauli. Ginhatag man sa ila ni Ciro ang mga yahong kag kopa nga ginkuha ni Hari Nabokodonosor gikan sa templo ni Jehova sang ginlaglag niya ang Jerusalem.

Pagligad sang mga apat ka bulan nga paglakbay, nakalambot ang mga Israelinhon sa Jerusalem sa sibu nga tion. 70 ka tuig na ang nagligad kutob sang ginlaglag ang siudad, kag ang duta nawad-an sing tao. Apang, bisan pa yara na sila sa ila duta, may yara gihapon mabudlay nga mga tinion nga nagahulat sa mga Israelinhon.