Indi Niya Mahuptan ang Iya Kopya

Ang isa ka negosyante nagsulat sa sanga talatapan sang mga Saksi ni Jehova sa Slovenia:

“Salamat sa inyo regular nga pagpadala sa akon sing Magmata! kag Lalantawan nga mga magasin. Ginadala ko ini kon nagalakbay ako, kay ginabasa ko ini samtang nagabiyahe kag samtang nagahulat para sa mga miting sa negosyo.

“Luyag ko man magpangabay nga padalhan ninyo ako sang masunod nga mga publikasyon nga ginsambit sa inyo mga magasin: Is There a Creator Who Cares About You?,Ano ang Katuyuan sang Kabuhi? Paano Mo Masapwan Ini?,kag Isa ka Libro Para sa Tanan nga Tawo.

“Luyag ko kuntani makatigayon sing duha ka kopya sang tagsa ka publikasyon. Bangod kada ginabasa ko ang isa sang inyo mga publikasyon samtang nagabiyahe ako, may isa nga interesado gid sa akon ginabasa. Walay sapayan sang kamatuoran nga luyag ko kuntani taguon ini para sa akon librarya, ginahatag ko sa iya ang akon kopya.”

Nagasalig kami nga ikaw man makabenepisyo sing daku sa pagbasa sang matahom nga 32-pahina nga brosyur nga Ano ang Katuyuan sang Kabuhi? Paano Mo Masapwan Ini? Ginapakita sini nga publikasyon nga ang aton Manunuga may matahom nga katuyuan nga malapit na matuman. Matigayon mo ang isa ka kopya paagi sa pagsulat kag pagpadala sang kaupod nga kupon sa direksion nga ginpakita sa kupon ukon sa nagakaigo nga direksion nga ginlista sa pahina 5 sini nga magasin.

□ Padalhi ako sing isa ka kopya sang brosyur nga Ano ang Katuyuan sang Kabuhi? Paano Mo Masapwan Ini?

□ Palihug pakig-anguti ako tuhoy sa isa ka walay bayad nga pagtuon sa Biblia sa puluy-an.