‘Nagbulig Ini sa Akon nga Usisaon ang Akon Kabuhi’

AMO sina ang ginsiling sang isa ka 18-anyos nga babayi nga si Maria gikan sa siudad sang Cherepovets tuhoy sa libro nga Questions Young People Ask—Answers That Work. Nagsulat sia sang masunod sa sanga talatapan sang mga Saksi ni Jehova malapit sa St. Petersburg, Rusya, mga 400 ka kilometro gikan sa Cherepovets.

“Ini nga publikasyon nagbulig sa akon nga mausisa ang akon kaugalingon, ang akon mga tulumuron, kag ang mga tawo sa akon palibot. Nasapwan ko ang mga sabat sa mga pamangkot nga nagwili gid sa akon. Samtang ginabasa ko ang libro, ang mga luha sang pagpasalamat nagatululagay sa akon mga pisngi.”

Si Maria nagdugang: “Nagbatyag ako nga daw ginkuha ang tabon sa akon mga mata, nga nagmurahag sa kalipay. Ini nga libro amo ang labing maayo nga akon nabasa sa bug-os ko nga kabuhi. Wala na sing iban pa nga libro ang kaanggid sini, bangod napasad ini sa Biblia kag ang laygay ni Jehova nga Dios amo ang labing maayo.”

Kon luyag mo man nga makabenepisyo gikan sa impormasyon sa Questions Young People Ask—Answers That Work, makabaton ikaw sing isa ka kopya paagi sa pagsulat kag pagpadala paagi sa koreo sang kaupod nga kupon sa direksion nga ginpakita sa kupon ukon sa nagakaigo nga direksion nga ginlista sa pahina 5 sini nga magasin.

□ Ipadala sa akon ang libro nga Questions Young People Ask

—Answers That Work.

□ Palihug pakig-anguti ako tuhoy sa isa ka walay bayad nga pagtuon sang Biblia sa puluy-an.