Ang Isa ka Atiesta Nakakita sing Sabat

“KATAHOM gid sang mga artikulo nga ginbalhag sa inyo mga magasin nga Lalantawan kag Magmata! Ang inyo pinakabag-o nga guwa makawiwili gid! Ginasabat sini ang madamo nga pamangkot kag nagahatag man sing kalinungan sa hunahuna.”

Amo ini ang ginsiling sang isa ka bumalasa gikan sa bagatnan nga India. Natawo sia nga Hindu, apang ginpadaku sia sang iya amay subong isa ka atiesta. Sia nagsiling: “Wala ako sing nasapwan nga katuyuan sa kabuhi. Ang teoriya ni Darwin nga ebolusyon indi gid mapatihan. Sa sulod sang mga tinuig ginatublag ako sang mga pamangkot, subong sang Sin-o ang Dios? Ngaa malain gid ining kalibutan? Diin kita nagakadto sa tapos sang kamatayon? Matuod bala ang malauton nga mga espiritu?”

Bangod nakita niya ang mga sabat sa iya mga pamangkot sa Ang Lalantawan kag Magmata! ini nga bumalasa nagsuskriber sa duha ka magasin, nagregalo sing suskripsion sa iya utod nga babayi, kag nagapabasa karon sang mga magasin sa mga tawo nga iya masugilanon. Bangod isa ka retratista kag dibuhista, nagpasalamat sia sa mga laragway sang magasin, “nga nagapaalinton nga wala sing mga pulong.” Paagi sa pagbasa sining maayo nga mga magasin, mahimo ikaw magbuylog sa minilyon sa bug-os nga kalibutan nga nasabat ang ila mga pamangkot kag nakatigayon sing malinong nga hunahuna.

Kon luyag mo ang dugang nga impormasyon tuhoy sa Dios kag sa iya katuyuan para sa aton, malipay kami sa pagpadala sa imo sing libre sang ginpanagtag sing lapnag nga brosyur nga Nagaulikid Gid Bala ang Dios sa Aton? Sulati lang ang kaupod nga kupon kag ipadala sa direksion nga ginapakita sa sini ukon sa nagakaigo nga direksion nga makita sa pahina 5 sini nga magasin.

□ Interesado ako nga makabaton sing isa ka kopya sang brosyur nga Nagaulikid Gid Bala ang Dios sa Aton?

□ Palihug pakig-anguti ako may kaangtanan sa isa ka walay bayad nga pagtuon sing Biblia sa puluy-an.