‘Ang Pinakamaayo sa Tema’

AMO sina ang opinyon sang isa ka Lutherano nga maestro nga taga-San Diego, California, E.U.A., sa tapos mahatagan sing libro nga Mankind’s Search for God. Nagsulat sia sang masunod nga pagpasalamat.

“Nagapasalamat ako sa inyo tion kag panikasog nga ginhatag sa akon agod mahibaluan ko ang pagtamod sang mga Saksi sa sining magamo nga kalibutan nga aton ginapuy-an. Sulitsulit ko nga ginbasa ang tuhoy sa pagpangita sang katawhan sa Dios. Amo ini ang pinakamaayo nga nabasa ko sa sina nga tema. Mahimo nga wala ko mausisa sing maayo ang amon Lutherano nga mga literatura subong sang dapat ko nga himuon, apang daw mas maayo gid ang literatura sang mga Saksi nga ginhatag ninyo sing mainayuhon sa akon sangsa nakita ko sa amon. Salamat sa inyo padayon nga interes sa akon espirituwal nga kaayuhan.”

Ang Mankind’s Search for God may mga kapitulo tuhoy sa mitolohiya, madyik kag espiritismo, Hinduismo, Budhismo, Taoismo kag Confucianismo, Shinto, Judaismo, Cristianismo, kag Islam. Nagahatag man ini sing panuytoy kon paano simbahon ang Dios sa ginakahamut-an niya nga paagi. Makapangabay ka sing kopya sining 384-pahina nga libro paagi sa pagsulat sa kaupod nga kupon kag pagpadala sini sa direksion nga makita sa kupon ukon sa nagakaigo nga direksion nga ginlista sa pahina 5 sini nga magasin.

□ Interesado ako nga makabaton sing isa ka kopya sang libro nga Mankind’s Search for God.

□ Pakig-anguti ako palihug tuhoy sa walay bayad nga pagtuon sa Biblia.