“Pirme Anay Ako Nagahunahuna nga Nagaisahanon Lang Ako”

ANG komento sa ibabaw ginhatag sang 13-anyos nga si Ulrike gikan sa California, E.U.A., may kaangtanan sa pagtuon niya sang libro nga Ang Sekreto sang Kalipay sa Pamilya. Sia nagsulat:

“Nagapasalamat gid ako nga ginbutang ninyo ang kapitulo ‘Mahimo Magmadinalag-on ang mga Pamilya nga May Nagasolo nga Ginikanan!’ Nagbulig ini sa akon nga mangin mas masinulundon kag mas mabinuligon sa akon iloy bangod isa sia ka nagasolo nga ginikanan. Nagbulig man ini sa akon nga mahangpan sing labi pa ang iya mga balatyagon. Pirme anay ako nagahunahuna nga nagaisahanon lang ako nga nasakitan sing balatyagon.” Ang pamatan-on naghinakop: “Ining libro nakabulig gid sa akon sing daku!”

Minilyon sa bug-os nga kalibutan ang nabuligan na sining 192-ka-pahina nga libro. Ang Sekreto sang Kalipay sa Pamilya makabulig sa tanan nga katapo sang pamilya​—⁠mga bana, mga asawa, mga ginikanan, mga kabataan, mga lolo kag mga lola​—⁠huo, sa tanan. Lakip sa nagatudlo nga mga kapitulo sini amo ang “Hanasa ang Inyo Anak Kutob sa Pagkalapsag,” “Buligi ang Inyo Tin-edyer nga mga Anak sa Pag-uswag,” “Amligi ang Imo Pamilya Gikan sa Makahalalit nga mga Impluwensia,” kag “Hupti ang Paghidait sa Imo Panimalay.”

Para makakuha sang imo kopya, palihug sulati kag ipadala ang kaupod nga kupon sa direksion nga makita sa kupon ukon sa nagakaigo nga direksion nga ginsulat sa pahina 5 sini nga magasin. Mabaton mo ang espesipiko nga mga panugda nga makabulig sa imo nga malubad ang mga problema kag magahimo nga malipayon ang kabuhi sang pamilya nga amo ang gintuyo sang Manunuga.

□ Interesado ako nga makabaton sing isa ka kopya sang libro nga Ang Sekreto sang Kalipay sa Pamilya.

□ Pakig-anguti ako palihug tuhoy sa walay bayad nga pagtuon sa Biblia.