Kari Kamo, Pamatii ang Walay Bayad nga Diskurso Publiko

“Kon Ngaa Dapat Naton Talupangdon ang Makatilingala nga mga Binuhatan sang Dios”

SUGOD sini nga bulan ang pamulongpulong sa ibabaw ihatag subong talalupangdon nga bahin sang 54 ka tatlo-ka-adlaw nga “Mga Manugtuman Sang Pulong Sang Dios” Distrito nga Kombension sang mga Saksi ni Jehova sa Pilipinas. Sa sining mga kombension, 18 ang pagahiwaton sa Cebuano, 15 sa Tagalog, 11 sa Iloko, 1 sa Ingles, kag 9 sa 4 pa ka lenguahe sang Pilipinas. Ang ginsambit nga tema ihatag sa kapin sa 2,000 sini nga mga kombension sa kapin sa 150 ka pungsod sa bug-os nga kalibutan.

Sadtong ika-20 nga siglo, ang mga tawo naghimo sing makatilingala nga mga butang kag pat-od gid nga magahimo sing madamo pa sa ika-21 nga siglo. Apang daw ano gid ka diutay ining mga binuhatan sang tawo kon ipaanggid sa mga binuhatan sang Dios! Indi katingalahan nga ang anay maalam nga tawo nagpalig-on: “Pahimunong ka kag talupangda ang makatilingala nga mga binuhatan sang Dios”!—Job 37:14.

Ano ang aton matun-an gikan sa mga pagpanuga sa palibot naton, subong sang ulan, niebe, hangin, kag mga pagtaub kag paghunas sang tubig? Paano ang ginhalinan sini dapat makaapektar sa aton kabuhi karon? Ini kag iban pa nga mga pamangkot pagasabton sa tion sang diskurso.

Pakig-anguti ang mga Saksi ni Jehova sa inyo duog ukon sulati ang mga manugbalhag sini nga magasin para sa lokasyon sang kombension nga pinakamalapit sa inyo.