‘Ginahatag Sini ang Kinahanglan’

Amo sina ang paghinakop sang isa ka babayi nga taga-Osaka, Japan, tuhoy sa libro nga Is There a Creator Who Cares About You? Nagsulat sia:

“Ginatudluan sini nga libro ang isa nga makilala ang Manunuga paagi sa mga tinuga kag sa Biblia. Tubtob sa kapitulo 5, ginabinagbinag sini ang lainlain nga mga kamatuoran tuhoy sa mga butang nga gintuga kag nagapakita nga may kasuguan kag kahim-ong sa sini, nga nagapahangop nga kinahanglan ang isa ka intelihente nga persona sa likod sini.

“Luyag ko gid ang pila ka impormasyon nga nagapaathag sing mas detalyado sang mga katingalahan sang pagpanuga. Ginahatag sini nga libro ang kinahanglan. . . . Sang mabasa ko ang pagbuligay sa ulot sang mga protina kag sang mga molekula nga nucleic acid sa mga selula, nagapati ako nga ang pagkasibu sini isa gid ka milagro.”

Bangod sang pagbasa sa Is There a Creator Who Cares About You? madamo ang napahulag nga binagbinagon sing mas maayo ang nahanungod sa kon paano kita nagluntad kag sa katuyuan sang kabuhi. Makapangabay ka sing kopya sining 192-pahina nga libro paagi sa pagsulat sa kaupod nga kupon kag sa pagpadala sini sa ginhatag nga direksion ukon sa nagakaigo nga direksion nga nalista sa pahina 5 sini nga magasin.

□ Interesado ako nga makabaton sing isa ka kopya sang libro nga Is There a Creator Who Cares About You?

□ Palihug pakig-anguti ako tuhoy sa isa ka walay bayad nga pagtuon sa Biblia sa puluy-an.

[Diagram sa pahina 32]

Bisan ang pagpasiplat sa masibod nga kalibutan kag sa komplikado nga mga hilikuton sang tagsa ka selula sang lawas nagadul-ong sa pamangkot, Paano nagluntad ini tanan?

[Picture Credit Line sa pahina 32]

“Pillars of Creation” sa panghapin sang libro: J. Hester kag P. Scowen (AZ State Univ.), NASA