Pagbulig sa mga Tawo nga Madaug ang mga Hangkat

ANG sanga talatapan sang mga Saksi ni Jehova sa Sri Lanka nakabaton sing sulat gikan sa sekretaryo sang Youth and Human Resources Development Society, sa Nasidlangan nga Probinsia. Ang sekretaryo nagpangabay sang pila ka daan nga mga guwa sang Magmata! kag nagsiling:

“Nakita sang akon mga kaupdanan ang ginpadala ninyo nga mga magasin sa akon subong edukasyunal, impormatibo, kag makapapagsik subong man makatarunganon gid kag makapakumbinsi. Ang mga magasin wala nagapalapnag sang Cristianong doktrina nga may ano man natago nga motibo, subong sang sayop nga ginasiling sang iban. Nakita ko nga maayo gid ini nga literatura.

“Nagadamo pa ang nagapangabay sang mga kopya sang Magmata! (bag-o kag daan), kag may patimaan gid nga ini nga pangabay padayon nga magadamo sa masunod nga mga binulan. Ang mga artikulo sa inyo nga mga magasin nagahatag sing ihibalo para sa mga tigulang, mga pamatan-on, kag kabataan. Nagabulig ini sa tanan nga madaug ang karon kag palaabuton nga mga hangkat nga naghalin sa sekularismo.”

Wala gid matabo sa maragtas nga ang mga tawo sang tanan nga pangidaron nagaatubang sang mga hangkat subong sa karon. Madamo ang ilabi na nga nagapalibog kon ano ang palaabuton kag kon bala may isa ka Dios nga nagaulikid sa ila. Ina nga mga pamangkot ginasabat sing makaalayaw sa brosyur nga Nagaulikid Gid Bala ang Dios sa Aton? Makapangabay ka sing isa ka kopya paagi sa pagsulat kag pagpadala sang kaupod nga kupon sa direksion nga makita sa kupon ukon sa nagakaigo nga direksion nga ginlista sa pahina 5 sini nga magasin.

□ Interesado ako nga makabaton sing isa ka kopya sang brosyur nga Nagaulikid Gid Bala ang Dios sa Aton?

□ Palihug pakig-anguti ako tuhoy sa isa ka walay bayad nga pagtuon sa Biblia sa puluy-an.