Nagaluntad Gid Bala Ang Dios?

Sa pungsod sang Thailand, isa ka pamatan-on nga lalaki ang nagsiling nga nagpangamuyo sia, nga nagapangabay: “Kon nagaluntad gid ikaw, Dios, buligi ako nga mahibaluan ang imo mga dalanon.” Sang ulihi, ang lalaki nagpaathag:

“Isa sang mga Saksi ni Jehova ang nagduaw sa akon puluy-an, apang wala ako didto. Ginbilin niya ang isa ka tract kag imbitasyon nga may mapa sang lokasyon sang duog tilipunan.” Ginkadtuan sang lalaki ang direksion nga ginhatag. Nagsiling sia: “Matinlo gid kag simple ang tilipunan, kag maabiabihon gid kag mainabyanon ang mga tawo.

“Ang isa pa ka butang nga nagtandog sa akon amo nga ang tanan may kaugalingon nga kopya sang Biblia kag ginabuksan ini sa pagsunod sa humalambal. Amo gid sini, sa banta ko, ang paagi nga dapat tun-an sang isa ang Biblia agod mahibaluan ang importante gid nga mga punto sang matuod nga relihiosong mga panudlo. Nakibot man ako kon paano ginasundan sang mga bata ang pagtuon kag kon paano man sila nagakomento. Wala pa ako makakita sang subong sini.”

Ang isa sang mga pasad-sa-Biblia nga publikasyon nga ginagamit sa mga miting sang mga Saksi ni Jehova amo ang libro nga Is There a Creator Who Cares About You? Makabaton ka sing kopya sining 192 ka pahina nga libro paagi sa pagsulat kag pagpadala sang kaupod nga kupon sa direksion nga ginhatag ukon sa nagakaigo nga direksion nga ginlista sa pahina 5 sini nga magasin.

□ Interesado ako nga makabaton sang libro nga Is There a Creator Who Cares About You?

□ Pakig-anguti ako palihug tuhoy sa isa ka walay bayad nga pagtuon sa Biblia sa puluy-an.

[Credit Line sa pahina 32]

“Pillars of Creation” sa panghapin sang libro: J. Hester kag P. Scowen (AZ State Univ.), NASA