Ang “Pagbantay sa Kalibutan” Ginagamit sa Eskwelahan
Ang “Pagbantay sa Kalibutan” Ginagamit sa Eskwelahan
SI Edelmira, nga isa ka 15 anyos nga lin-ay sa Estados Unidos, naggamit sang Magmata! nga magasin sa epektibo nga paagi sa eskwelahan. Nagsulat sia sa mga manugbalhag:
“Kada Biernes nagahatag kami sing report tuhoy sa pinakaulihi nga hitabo. Ginbasa ko ang Abril 22, 2000, nga guwa sang Awake! kag namat-od nga ipasad ang akon report sa balita sa ‘Pagbantay sa Kalibutan’ nga natig-uluhan ‘Gin-ako Sang Kompanya Sang Sigarilyo nga ang Pagpanigarilyo Ginatunaan Sang Kanser.’ Nagsulat ako sing isa ka sumaryo kag ginbasa ini sa klase. Ang manunudlo kag ang mga estudyante nagpamati sing maayo. Sang nakatapos ako, namangkot sa akon ang isa ka kabutho nga babayi—mismo sa amon klase—kon bala nadugayan ako sa pagpangita sang akon impormasyon. Gindaho ko sa iya ang Awake! Malangkagon nga ginsugdan niya ini nga basahon, kag ang isa ka pamatan-on nga lalaki sa amon kongregasyon nga kabutho niya sa masunod nga klase nagsiling nga sang nakita niya ini nga pamatan-on nga babayi, ginabasa gihapon niya ini. Sa gilayon pagkatapos sini, nagsiling sia nga luyag niya makabaton sang kada guwa sang Magmata! kag sang kaupod sini nga magasin nga Ang Lalantawan.
“Bangod sini nga eksperiensia, ginapabugal ko gid nga isa ako sang mga Saksi ni Jehova. Nagtudlo ini sa akon nga may madamo gid kita nga higayon agod maghambal tuhoy kay Jehova.” Si Edelmira nagahinakop sang iya sulat: “Luyag ko kamo pasalamatan tungod sang inyo lakas nga pagpangabudlay sa paghimo sini nga mga magasin. Palihug padayuna ang pag-imprinta sang ‘Pagbantay sa Kalibutan’!”