Ang Hangkat sa Pagtatap sa Kabataan

Ang Britanya isa ka mahamungayaon nga pungsod sa Katundan. Apang, ginabanta nga kada tuig kapin sa 100,000 sang kabataan sini​​—⁠doble sangsa ginapatihan anay⁠​—⁠ang nagalayas gikan sa puluy-an. Subong resulta, 1 sa 7 ang ginapintasan ukon ginahimuslan.

“Kon mabatyagan sang kabataan nga ginahamulag kag ginasikway sila, ang paglayas daw amo ang solusyon,” siling ni Ian Sparks, puno nga ehekutibo sang Children’s Society, nga nagdugang pa: “Ini nga hulusayon nagaapektar sa tanan nga kabataan​​—⁠ang kabataan gikan sa manggaranon man ukon pigado nga puluy-an nagalayas.”

Ang pagtatap kag paghanas sa kabataan isa ka mabug-at nga katungdanan. Diin matigayon ang bulig? Ang publikasyon nga Ang Sekreto sang Kalipay sa Pamilya gindesinyo sa pagsabat sina nga kinahanglanon. Ang 16 ka kapitulo sini nagalakip sang: “Hanasa ang Inyo Anak Kutob sa Pagkalapsag,” “Buligi ang Inyo Tin-edyer nga mga Anak sa Pag-uswag,” kag “Amligi ang Imo Pamilya Gikan sa Makahalalit nga mga Impluwensia.” Ang 16 tanan ka kapitulo sa libro nagaunod sing praktikal nga mga laygay kag, mas importante, ginagamit sini ang Biblia subong ang tuburan sang kaalam nga labaw sangsa aton.

Mahimo ka makapangabay sing kopya sang Ang Sekreto sang Kalipay sa Pamilya paagi sa pagsulat kag pagpadala sang kaupod nga kupon sa direksion nga makita sa kupon ukon sa nagakaigo nga direksion nga nalista sa pahina 5 sini nga magasin.

□ Interesado ako nga makabaton sing kopya sang libro nga Ang Sekreto sang Kalipay sa Pamilya.

□ Pakig-anguti ako palihug tuhoy sa isa ka walay bayad nga pagtuon sa Biblia sa puluy-an.