Kon Paano Ang Magmata! Nagluwas sang Iya Kabuhi

“INDI ko luyag nga padayon nga mangin lulan sang akon pamilya, gani nagpamat-od ako nga ang paghikog amo ang mangin solusyon.” Amo ini ang ginsulat sang isa ka tawo sa Nepal. Nagpadayon sia: “Ginhanda ko na ang lubid kag nagpili sing lugar kag petsa. Apang isa na lang ka semana antes sina nga adlaw, nabaton ko ang guwa sang Magmata! nga Marso 8, 2000.”

Ang panghapin nga serye sini nga guwa amo ang “Paghikog​​—⁠Sin-o ang Labi Gid nga Yara sa Katalagman?” Ang tawo nagsulat: “Nagpakig-away ako sa mental kag emosyonal agod mabasa ang magasin. Natandog gid ako sang paathag tuhoy sa napulo ka katalagman sang paghikog kag gani nagbaylo ang akon hunahuna.” Naghinakop sia: “Indi ko mapunggan nga ipabutyag ang akon pagpasalamat sa tanan nga ginhimo ninyo sa akon. Ang inyo pagpangabudlay sa pagsulat sini nga artikulo nagluwas sang akon kabuhi!”

Madamo ang kabangdanan sang pagdamo sang paghikog karon. Ang isa amo ang kakulang sing katuyuan sa kabuhi nga ginabatyag sang madamo. Ang brosyur nga Ano ang Katuyuan Sang Kabuhi? Paano Mo Masapwan Ini? nagbulig sa madamo nga maapresyar nga may yara gid paglaum sa isa ka maayo nga kabuhi. Makapangabay ka sing kopya paagi sa pagsulat sa kaupod nga kupon kag sa pagpadala sini sa direksion nga ginapakita sa kupon ukon sa nagakaigo nga direksion nga nalista sa pahina 5 sini nga magasin.

□ Interesado ako nga makabaton sing isa ka kopya sang brosyur nga Ano ang Katuyuan Sang Kabuhi? Paano Mo Masapwan Ini?

□ Palihug pakig-anguti ako tuhoy sa isa ka walay bayad nga pagtuon sa Biblia sa puluy-an.