Ang Pinakaimportante nga Pagtilipon sang Tuig

Handurawa nga may malubha ka nga balatian. Mapaayo ka paagi sa isa ka operasyon, apang indi mo masarangan ang kagastuhanan. Ibutang ta nga may isa ka mabinuligon nga tawo nga nagatanyag nga sia ang magabayad sang operasyon. Indi ka bala magpasalamat sa iya nagaluwas-kabuhi nga regalo?

Ginatudlo sang Biblia nga ang una nga mga tawo, sanday Adan kag Eva, nagpaliton sing sala kag kamatayon sa tanan nila nga kaliwatan. Nian, daw subong bala nga ang tagsa sa aton nabun-ag nga may makamamatay nga balatian​​—⁠kag wala sing isa sa aton ang makasarang sa pagpabulong. (Salmo 49:​7-9) Apang, ginhatag ni Jehova nga Dios ang iya Anak, nga si Jesucristo, subong gawad sa pagtubos sa aton mga sala. Bangod sining nagaluwas-kabuhi nga regalo, may kahigayunan kita nga mabuhi sing dayon sa Paraiso.​​—⁠Roma 6:⁠23.

Sa Mierkoles, Abril 16, pagtunod sang adlaw, saulugon sang mga Saksi ni Jehova ang kamatayon ni Jesus. Sang nagligad nga tuig, kapin sa 15,000,000 ang nagtambong​​—⁠kalabanan sa ila indi mga Saksi ni Jehova. Ginaagda ka nga magtambong sa Memoryal sang kamatayon ni Cristo sa sini nga tuig. Amo gid ini ang pinakaimportante nga pagtilipon sang tuig. Palihug pamangkuta ang mga Saksi ni Jehova sa inyo duog para sa eksakto nga oras kag duog.