“Ginarekomendar Ko gid ang Libro sa Tanan”

Ano nga libro ang ginsambit sang bantog nga taga-Denmark nga awtor nga si Erik Haaest, nga ginkutlo sa ibabaw?

Mankind’s Search for God

Sia nagsulat: “Madamo sang ginadilian sa Denmark. Lapason ko ang isa sa sini karon. Indi comme-il-faut [nagakaigo] nga maghambal sing maayo nga mga butang tuhoy sa mga Saksi ni Jehova. Amo gid sini ang himuon ko karon.

“Sa nagliligad nga madamong tinuig, ang mahipid mamayo nga mag-asawa nagaduaw sa akon kada bulan agod maghatag sa akon sing Lalantawan kag Magmata! nga mga magasin. Ginpaathag ko sang una pa sa ila nga indi ako magpakumbertir sa bisan ano nga relihion apang nasapwan ko nga impormatibo gid kag makawiwili ang ila mga magasin—kon indi mo lang pagsapakon ang mga bahin nga ginabantala nila ang ila pagtuluuhan. Madamo na ako sing nabasa nga makawiwili nga mga artikulo sa sini nga mga magasin, kag ang sirkulasyon sini nga [21 milyones] takus gid nga dayawon.

“Sang nagligad nga adlaw ginhatagan ako sang mahipid nga mag-asawa sini nga libro [Mankind’s Search for God], nga wala sing bayad. . . . Ginbasa ko ang bug-os nga kaundan sang libro. Gin-usisa ko man ang kalabanan nga mga reperensia, kag madamo gid ini!

“Amo ini ang labing maayo, pasad gid sa katunayan kag walay nadampigan nga maragtas sang relihion nga nabasa ko.

“Ginarekomendar ko gid ang libro sa tanan. Siempre, may yara man ini pila ka butang tuhoy sa pagtuluuhan sang mga Saksi ni Jehova, apang diutay lamang ini nga bahin sining ekselente nga maragtas sang relihion.”

Kon luyag mo makabaton sing isa ka kopya sini nga libro, palihug sulati ang kupon sa ubos.

□ Luyag ko makabaton sing isa ka kopya sang libro nga Mankind’s Search for God.

□ Palihug kontaka ako tuhoy sa isa ka wala sing bayad nga pagtuon sa Biblia.

[Picture Credit Lines sa pahina 32]

Top left, Jewish man: Garo Nalbandian; top middle, Buddhist monk: G. Deichmann, Transglobe Agency, Hamburg