Sulat Halin sa Isa ka Hinigugma

Ginpaanggid sang isa ka bumalasa sa New York ang libro nga Mangin Suod kay Jehova sa isa ka sulat halin sa isa ka hinigugma, nga nagapaathag: “Ang tagsa ka kapitulo nagatandog sang tagipusuon kag nagapahulag sa imo nga higugmaon sing labi pa si Jehova.” Sia nagdugang: “Karon nga nabasa ko na ang bug-os nga libro, gusto ko nga basahon ini liwat, kaangay sang kon nagabasa ka sing sulat halin sa imo pinalangga.” Binagbinaga kon ano man ang ginasiling sang iban.

Ang isa ka bumalasa sa Kansas nagsiling: “Labi ako nga nagsuod sa akon langitnon nga Amay. Napuno ang akon tagipusuon sang gugma. . . . Nalangkag ako sa pagbasa sini kada aga, kag basahon ko ini sing madamo nga beses.”

Ang isa ka babayi sa Maine nagsulat: “Labi pa nga naapresyar ko ang matuod nga persona ni Jehova! Makapalugpay gid ang ginasiling sa pahina 74: ‘Para sa mga mapatay, wala na sing sigurado nga duog sangsa mangin sa handumanan sang Dios.’ ” Ang isa ka manunulat sa Alaska nag-ugyon: “Natandog gid ako sa sini amo nga nakahibi ako.” Sia nagdugang: “Sulitsuliton ko gid ini nga basahon.”

Nagapati kami nga amo man sini ang imo batyagon kon mabasa mo ini nga libro. Pagkatapos sang nauna nga tatlo ka kapitulo sini, ang libro nabahinbahin sa apat ka seksion nga natig-uluhan sing “Makusog sa Gahom,” “Mahigugmaon sa Katarungan,” “Maalam sa Tagipusuon,” kag “Ang Dios Gugma.” Ini naghinakop sa kapitulo nga “Magpalapit Kamo sa Dios, kag Magapalapit Sia sa Inyo.”

Sarang mo mapangabay ining mahumok sing hapin nga 320 ka pahina nga libro paagi sa pagsulat sa kaupod nga kupon kag ipadala ini sa direksion nga gin-aman ukon sa nagakaigo nga direksion sa pahina 5 sini nga magasin.

□ Luyag ko makabaton sing isa ka kopya sang libro nga Mangin Suod kay Jehova.

□ Palihug pakig-anguti ako tuhoy sa isa ka wala sing bayad nga pagtuon sa Biblia.