Natun-an Nila nga Ginahigugma Sila sang Dios

Nabudlayan ang iban sa pagpati nga ang bisan sin-o​​—⁠bisan gani ang Dios​​—⁠hanuot nga makahigugma sa ila. Gani sa tapos nila mabasa ang libro nga Mangin Suod kay Jehova, madamo ang nagsulat agod ipabutyag ang ila apresasyon sa pasalig nga ginahatag sini. “Natandog gid ako sang iya daku nga gugma sa akon, walay sapayan sang tanan ko nga kasaypanan,” sulat sang isa ka babayi gikan sa Decatur, Illinois, E.⁠U.⁠A.

Nagsulat pa sia: “Naghibi ako sa kalipay sang nabasa ko ang dinalan [sa pahina 117]: ‘Subong isa ka matarong nga Amay, ginabalanse ni Jehova ang kalig-on para sa kon ano ang husto kag ang mapinalanggaon nga kaawa sa iya dutan-on nga mga anak, nga nagakinahanglan sang iya bulig kag pagpatawad.’ ”

Ang isa ka tawo gikan sa Ripon, California, nagsulat: “Madamo gid nga salamat sa pagpakita ninyo sa akon nga ginahigugma ako ni Jehova. Nagaulikid gid sia sa akon. Ginakabig niya ako nga isa ka matuod nga persona.” Ang isa ka babayi sa New Hampshire nagsiling: “Kon kaisa daw indi ko mauntatan ang pagbasa sa libro.” Sia nagpaathag: “Daw indi ako makapati nga mahigugma ako ni Jehova.” Gani ang libro amo gid ang ginakinahanglan niya.

Nagapati kami nga makabenepisyo ka man sa pagbasa sining libro. Pagkatapos sang tatlo ka introduksion nga mga kapitulo, nabahinbahin ini sa apat ka seksion, nga natig-uluhan “Makusog sa Gahom,” “Mahigugmaon sa Katarungan,” “Maalam sa Tagipusuon,” kag “Ang Dios Gugma.” Ang kada seksion nagabinagbinag sang isa ka panguna nga kinaiya sang Dios. Ang kapitulo nga “Magpalapit Kamo sa Dios, kag Magapalapit Sia sa Inyo” nagahinakop sining makapahulag nga libro.

Makapangabay ka sining 320-ka-pahina mahumok sing hapin nga libro paagi sa pagsulat kag pagpadala sang kaupod nga kupon sa ginapakita nga direksion ukon sa nagakaigo nga direksion sa pahina 5 sining magasin.

□ Mahimo bala ako makapangabay sing isa ka walay bayad nga kopya sang libro nga Mangin Suod kay Jehova?

□ Palihug kontaka ako tuhoy sa isa ka wala sing bayad nga pagtuon sa Biblia sa puluy-an.