Nahibaluan Mo Bala?

(Ang mga sabat sa sining mga pamangkot makita sa ginsambit nga mga teksto sa Biblia, kag ang bug-os nga listahan sang mga sabat makita sa pahina 19. Para sa dugang nga impormasyon, tan-awa ang publikasyon nga “Insight on the Scriptures,” nga ginbalhag sang mga Saksi ni Jehova.)

1. Diin ginpakadto ni Jesus ang tawo nga bulag agod manghugas agod makakita sia liwat? (Juan 9:7)

2. Diin ginhangkat ni Satanas si Jesus nga maglukso agod masalbar sia sang mga anghel? (Mateo 4:​5, 6)

3. Ngaa nagpakitluoy ang madamo nga mga tawo kay Jesus nga “makatandog lamang sila sang sidsid sang iya panapton”? (Mateo 14:​35, 36)

4. Ano anay ang gingamit indi lamang sa pagtinlo sang panapton kundi sa pag-ulay man sa mga metal subong sang tingga ukon pilak? (Isaias 1:25)

5. Ano nga mga ngalan ang ginhatag sa panganay nga anak ni Rebeca, kag ngaa? (Genesis 25:​25, 30)

6. Ano ang ginpatuman ni Jehova para sa pagpili sa 12 ka lampitaw nga ipadala sa duta sang Canaan? (Numeros 13:2)

7. Diin nga pungsod ginhimo ni Pablo ang iya sulat sa mga Hebreo? (Hebreo 13:24)

8. Sa anong bulan sang mga Judiyo nahuman ni Solomon ang pagpatindog sang templo? (1 Hari 6:38)

9. Sin-o ang duha ka lalaki nga nagtib-ong sang kamot ni Moises tubtob ginhatag ni Jehova sa Israel ang kadalag-an batok sa mga Amaleknon? (Exodo 17:12)

10. Ano nga insekto ang kilala tungod sa kapisan kag sa duna nga kinaalam sini? (Hulubaton 6:6)

11. Sa baylo nga magkadto sa Ninive subong sang ginsugo ni Jehova, diin kuntani mapalagyo si Jonas? (Jonas 1:​2, 3)

12. Diin ginpatindog ni Moises ang tabernakulo? (1 Cronica 21:29)

13. Bangod wala ginbahinan sing teritoryo, paano ginsustentuhan ang mga Levinhon? (Numeros 18:21)

14. Sang adlaw nga ginbanhaw sia, diin nagpakita si Jesus kay Cleofas kag sa isa ka disipulo? (Lucas 24:13)

15. Sin-o ang ginpili ni Jehova subong pangulo nga sampaton nga mga manugpangabudlay sa pagpatindog sang tabernakulo? (Exodo 31:​1-​11)

16. Ano ang masunson nga tawag ni Pablo sa mga nagapangabudlay upod sa iya? (Filipos 4:3)

17. Ngaa ginsugo ni Jehova ang mga Israelinhon nga butangan sing mga plikos nga may lubid nga asul ang mga sidsid sang ila mga panapton? (Numeros 15:37-​40)

18. Ano nga kahoy ang gingamit sa paghimo sang duha ka kerubin kag mga ganhaan sang Labing Balaan? (1 Hari 6:​23, 31)

19. Suno sa rekord ni Zacarias, ano nga mga pulong ang gingamit ni Jehova sa pag-ilustrar sang Iya ginabatyag kon ang Iya katawhan ginapigos? (Zacarias 2:8)

20. Sin-o ang amay ni Jesebel? (1 Hari 16:31)

21. Ngaa gintinguhaan ni Pilato nga buhian si Jesus? (Lucas 23:4)

 Mga Sabat sa mga Pamangkot

1. Sa punong sang Siloe

2. Sa alibungan sang templo

3. Luyag nila nga mag-ayo ang ila masakit

4. Lihiya (sodium carbonate ukon potassium carbonate)

5. “Esau” bangod bulbulan sia sang matawo sia kag “Edom” bangod sang mapula nga linaga nga tungod sini ginbaligya niya ang iya kinamatarong sang pagkapanganay

6. ‘Isa ka lalaki sa tagsa ka kabikahan sang ila mga ginikanan, ang tagsatagsa pangulo sa ila’

7. Italya

8. Bul, ang ikawalo nga bulan sang sagrado nga kalendaryo

9. Si Aaron kag si Hur

10. Subay

11. Tarsis

12. Sa kamingawan

13. Ang ikapulo sang tanan nga napatubas gikan sa duta kag gikan sa mga baka ginhatag sa ila sang iban nga mga kabikahan

14. Sa dalan pakadto sa Emaus

15. Si Bezalel kag si Oholiab

16. “Mga masigkamanugpangabudlay nakon”

17. Agod ipahanumdom sa ila nga sila balaan nga katawhan ni Jehova kag dapat nila sundon ang iya mga sugo

18. Kahoy nga olibo

19. “Ang nagatandog sa inyo nagatandog sang tawotawo sang akon mata”

20. Si Etbaal, ang hari sang mga Sidonhon

21. Wala sia sing nakita nga kasal-anan sa iya