‘Tan-awa Ang Maayo Nga Duta’

“Ining matahom nga bulig amo gid ang kinahanglan ko,” sulat sang isa ka babayi sa tapos marepaso ang “See the Good Land,” isa ka brosyur sang mga mapa sa Biblia nga ginbalhag sining karon lang. “Ang mga lugar kag mga tawo kag mga kahimtangan sa Kasulatan nangin makawiwili sa akon.”

Ining maduagon nga brosyur nga may 36 ka pahina nagabulig sa mga nagatuon sang Pulong sang Dios nga mahanduraw ang mga kasaysayan sa Biblia. “Ang makita kon daw ano kataas ang templo kon ipaanggid sa palibot nga duta nagbulig sa akon nga mahangpan ang kasulatan nga nagasambit sang ‘mataas’ nga pagsimba kay Jehova,” padayon niya. “Daku gid ini nga bulig nga mahangpan kon diin nahamtang ang mga siudad nga dalangpan, kag ang iban pa nga mga lugar sa Hebreo kag sa Griego nga Kasulatan. Ginsugdan ko nga gamiton ining matahom nga brosyur sa pagtuon sa tulun-an sa Biblia nga Binuhatan.”

Ini nga babayi naghinakop: “Pirme ko gamiton ining matahom nga regalo samtang ginabasa ko ang Pulong sang Dios.”

Mahimo ka magpangabay sing isa ka kopya sining brosyur, nga natig-uluhan “See the Good Land,” paagi sa pagsulat sa kaupod nga kupon kag sa pagpadala sini sa direksion nga makita sa kupon ukon sa nagakaigo nga direksion sa pahina 5 sini nga magasin.

□ Interesado ako nga makabaton sing isa ka kopya sang brosyur nga “See the Good Land.”

□ Palihug kontaka ako tuhoy sa walay bayad nga pagtuon sa Biblia sa puluy-an.

[Picture Credit Line sa pahina 32]

Pictorial Archive (Near Eastern History) Est.