Lugpay sa Husto nga Tion

Madamo nga tawo ang nagakinahanglan sing lugpay sa sining makahalanguyos nga mga tion, ilabi na kon mapatyan sila sing isa ka hinigugma. Nagkalisod gid ang isa ka babayi sang magkasunod nga napatay ang iya iloy kag nahulog ang iya ginabusong. Nagsulat sia sa sanga talatapan sang mga Saksi ni Jehova sa Mexico: “Nalugpayan gid ako sang nabaton ko ang brosyur nga Kon ang Isa nga Ginahigugma Mo Mapatay. Bilidhon gid ini nga impormasyon nga nag-abot sa husto nga tion. Salamat gid sa inyo Cristianong gugma kag kapisan sa pag-aman sing mga publikasyon sa Biblia kaangay sini.”

Nalugpayan sia ilabi na sang mga kasulatan nga ginkutlo sa brosyur. Halimbawa, ang 1 Corinto 15:26 nagasiling: “Ang katapusan nga kaaway nga laglagon amo ang kamatayon.” Ayhan malugpayan man ikaw ukon ang isa nga imo kilala paagi sa pagbasa sining brosyur nga 32 ka pahina. Ginabinagbinag sang Kon ang Isa nga Ginahigugma Mo Mapatay ang mga topiko subong sang “Paano Ko Mabatas ang Akon Kalisud?,” “Paano ang Iban Makabulig?,” kag “Isa ka Pat-od nga Paglaum Para sa mga Patay.”

Makapangabay ka sing isa ka kopya paagi sa pagsulat kag sa pagpadala sang kaupod nga kupon sa direksion nga makita sa kupon ukon sa nagakaigo nga direksion nga nalista sa pahina 5 sini nga magasin.

□ Interesado ako nga makatigayon sing kopya sang brosyur nga Kon ang Isa nga Ginahigugma Mo Mapatay.

□ Palihug kontaka ako tuhoy sa isa ka wala sing bayad nga pagtuon sa Biblia sa puluy-an.