Isa ka Mahinantupon nga Iloy

Ang iloy nga nagahantop kag nagaatipan sa mga kinahanglanon sang iya mga anak nagapanikasog gid nga mahatagan sila sing masustansia nga pisikal nga pagkaon. Nagapanikasog man sia sa paghatag sa ila sing espirituwal nga pagkaon.

Sining karon lang, nagsulat ang isa ka babayi sa Brazil, sa sanga talatapan sang mga Saksi ni Jehova sa amo nga pungsod agod magpasalamat sa publikasyon nga Ano ang Ginapatuman Sang Dios sa Aton? “Natandog gid ako sini nga brosyur,” sulat niya. “Sang makita ko ang leksion tuhoy sa mga buhat nga wala ginakahamut-an sang Dios, nahantop ko gilayon nga dapat ko ipaalinton ining importante nga impormasyon sa akon mga anak​​—⁠⁠duha ka babayi, nga nagapangidaron sing 10 kag 11 anyos, kag isa ka lalaki nga 5 anyos.” Siling pa niya: “Importante gid ang pagtigayon sing literatura kaangay sini agod matudlo ang dalanon sang Dios sa akon pamilya!”

Nagpangabay man sia sing dugang pa nga mga publikasyon sa Biblia. Kon luyag mo man ang espirituwal nga pagkaon, para sa imo kag sa imo pamilya, mahimo ka makapangabay sing kopya sang Ano ang Ginapatuman Sang Dios sa Aton? Sulati lamang ang kupon sa ubos kag ipadala ini sa direksion nga makita sa kupon ukon sa nagakaigo nga direksion nga nalista sa pahina 5 sini nga magasin.

□ Interesado ako nga makabaton sing kopya sang brosyur nga Ano ang Ginapatuman Sang Dios sa Aton?

□ Palihug kontaka ako tuhoy sa walay bayad nga pagtuon sa Biblia sa puluy-an.