“Nagpabag-o Gid Ini sa Akon”

Amo sini ang sulat sang 12 anyos nga bata nga lalaki nga taga-Virginia, E.⁠U.⁠A., tuhoy sa bag-o nga libro nga Magtuon Gikan sa Daku nga Manunudlo. Nagsiling sia nga gintudluan sia sini sang mga butang nga wala pa niya mahibalui kag mabatian. Sia nagpaathag:

“Ang Magtuon Gikan sa Daku nga Manunudlo nagtudlo sa akon nga higugmaon pirme ang Dios, nga isugid ang tuhoy sa iya bisan kay sin-o, kag makighambal sa iya sa pangamuyo. Nagtudlo man ini sa akon nga mangayo sing bulig kag pangamlig sa Dios. Natun-an ko nga ang bisan sin-o nga nagahigugma sa Dios kag nagatuman sang iya sugo mangin sa Paraiso.

“Nagpabag-o gid ini sa akon. Pirme ako sadto nagabinutig, apang sang ginsugdan ko ang pagbasa sini nga libro, wala na ako magbutig. Ang akon natun-an sa sini nga libro nagpahulag sa akon nga basahon ang iban pa nga libro nga kaangay sini. Gani nalipay ako nga magbasa kag makahibalo pa gid sing dugang tuhoy sa Dios.”

Mahimo nga amo man sini ang imo batyagon kon mabasa mo ining 256-pahina nga libro nga may matahom nga mga ilustrasyon nga ang kadakuon sang pahina kaangay sining magasin. Mahimo nga maluyagan mo man basahon ang mga kapitulo subong sang “Gintudluan Kita ni Jesus nga Mangamuyo,” “Isa ka Leksion Tuhoy sa Pagkamainayuhon,” “Kon Paano Mangin Malipayon,” kag “Kon Ngaa Indi Kita Dapat Magbinutig.” Sarang ka makapangabay sang isa ka kopya paagi sa pagsulat sa kaupod nga kupon kag ipadala ini sa direksion nga gin-aman ukon sa nagakaigo nga direksion nga ginlista sa pahina 5 sini nga magasin.

□ Interesado ako nga makabaton sing kopya sang libro nga Magtuon Gikan sa Daku nga Manunudlo.

□ Palihug kontaka ako tuhoy sa walay bayad nga pagtuon sa Biblia sa puluy-an.