Amo Gid Ini ang Kinahanglanon sang mga Pamatan-on

Sa sulod sang mga tinuig ang mga bumalasa, pamatan-on kag tigulang, nagasiling nga ang libro nga Questions Young People Ask​​—⁠⁠Answers That Work nagaaman sing dapat gid mahibaluan sang mga pamatan-on. Ang isa ka dalagita nga taga-Sinaloa, Mexico, nagpangabay sang napulo ka kopya sang libro para sa iya mga abyan. Nagsiling sia nga bisan indi sia Saksi ni Jehova, naluyagan gid niya ang libro, kag sia nagpaathag, “Daku gid ang pagtahod ko sa inyo.”

Sia nagsiling: “Madamo ako sing mga abyan nga may madamo nga pamangkot tuhoy sa ila kabuhi karon. Ginpakita ko sa ila ang libro, kag naluyagan gid nila ini. Ekselente ini nga libro kag ang kaundan sini amo gid ang luyag mahibaluan sang isa ka pamatan-on.” Nangabay sia kon puede matigayon ang libro antes sang bakasyon.

Ang libro nga Young People Ask may 39 ka kapitulo. Ini nagalakip sang: “How Can I Get My Folks to Give Me More Freedom?” “How Can I Make Real Friends?” “What About Sex Before Marriage?” kag “How Do I Know If It’s Real Love?” Mahimo ka makapangabay sining 320-pahina nga libro paagi sa pagsulat sa kaupod nga kupon kag ipadala ini sa direksion nga gin-aman ukon sa nagakaigo nga direksion nga ginlista sa pahina 5 sini nga magasin.

□ Interesado ako nga makabaton sing kopya sang libro nga Questions Young People Ask​​—⁠⁠Answers That Work.

□ Palihug pakig-anguti ako tuhoy sa walay bayad nga pagtuon sang Biblia sa puluy-an.