Bulig sa Paglubad sa mga Problema sa Pamilya

Isa ka babayi sa Veracruz, Mexico, ang ginhatagan sing Magmata! nga magasin nga nagabinagbinag sang isa ka problema sa iya pamilya. “Interesado gid ako sa sini,” sulat niya, “bangod ang akon kahimtangan amo ang ginbinagbinag sa sini.” Ang sulat niya sa sanga talatapan sang mga Saksi ni Jehova nagsiling pa: “Makabulig ini nga impormasyon sa akon kag sa akon man bana kag kabataan.”

Nagpangabay man ini nga babayi: “Luyag ko pa makilala ang mga Saksi ni Jehova kag mahibaluan ang lugar sang pinakamalapit nga kongregasyon. Luyag ko nga magtambong ang amon pamilya bangod nagapati ako nga dapat kami mangin suod pa sa Dios.” Ginpresentar sa katapusan nga pahina sang gua sang Magmata! nga ginsambit sang babayi amo ang libro nga Ang Sekreto Sang Kalipay sa Pamilya. Gani nagpangabay man sia sing isa ka kopya sini.

May impormasyon ini nga libro para sa kada miembro sang pamilya​—⁠bana, asawa, ginikanan, kabataan, lolo kag lola​—⁠para gid sa tanan. Lakip sa impormatibo nga mga kapitulo sini amo ang “Hanasa ang Inyo Anak Kutob sa Pagkalapsag,” “Buligi ang Inyo Tin-edyer nga mga Anak sa Pag-uswag,” “Amligi ang Imo Pamilya Gikan sa Makahalalit nga mga Impluwensia,” kag “Hupti ang Paghidait sa Imo Panimalay.”

Makapangabay ka sing kopya sini nga libro paagi sa pagsulat sa kaupod nga kupon kag pagpadala sini sa direksion nga makita sa kupon ukon sa nagakaigo nga direksion sa pahina 5 sini nga magasin.

□ Interesado ako nga makabaton sing kopya sang libro nga Ang Sekreto Sang Kalipay sa Pamilya.

□ Palihug kontaka ako tuhoy sa walay bayad nga pagtuon sa Biblia sa puluy-an.