Isa ka Dalayawon Gid nga Tulun-an nga Libro Para sa mga Pamatan-on

ANG prinsipal sang Tigoni Academy for Girls sa Limuru, Kenya, nagsulat sa sanga talatapan sang mga Saksi ni Jehova sa sina nga pungsod nga nagapangabay sing mga kopya sang libro nga Questions Young People Ask​​—⁠Answers That Work. Nagsiling sia: “Subong sang nahibaluan ninyo, mabudlay gid ang pagpakig-angot sa mga tin-edyer. May duha kami ka kopya sang inyo libro, nga nakabulig gid sa mga manunudlo kag mga estudyante. Madamo ini sing impormasyon kag bagay gid ini sa amon mga kinahanglanon kag sa iya sang amon mga tin-edyer.”

Nagsiling dayon ang prinsipal: “Luyag gamiton sang administrasyon [sang eskwelahan] ining mabuligon nga libro sa pagtudlo sa mga estudyante nga babayi. Naluyagan gid nila ang libro. Ugyon ang mga ginikanan sa panikasog nga buligan ang ila kabataan. Sa banta namon, bastante na ang 25 ka kopya.”

Ang Young People Ask nga libro nagausisa gid sang mga panghunahuna kag mga balatyagon sang mga pamatan-on. Nagabangon ini sang mapuslanon nga paghinun-anon sa mga tema subong sang: “How Can I Get My Folks to Give Me More Freedom?,” “Should I Leave Home?,” “How Can I Make Real Friends?,” “What Career Should I Choose?,” “What About Sex Before Marriage?,” kag “How Do I Know If It’s Real Love?”

Pila lamang ini sa mga tema sang libro. Sa 39 ka kapitulo sini, ginabinagbinag sang libro ang madamo pa nga mga topiko. Sa pagpangabay sing kopya, sulati ang kaupod nga kupon kag ipadala sa direksion nga nasulat sa kupon ukon sa nagakaigo nga direksion nga nalista sa pahina 5 sini nga magasin.

□ Interesado ako nga makabaton sing kopya sang libro nga Questions Young People Ask​​—⁠Answers That Work.

□ Palihug kontaka ako tuhoy sa wala sing bayad nga pagtuon sa Biblia sa puluy-an.