Ngaa Kadamo gid sang Relihion?

Isa ka babayi ang nagsulat sa sanga talatapan sang mga Saksi ni Jehova sa Guatemala kag naglaragway sang iya pagpakighambal sa isa ka Saksi samtang nagasakay sa bus. “Ginhambalan namon kon ngaa kadamo gid sang relihion,” paathag sang babayi. Nagsiling sia nga ginpakita dayon sang Saksi ang isa ka kopya sang brosyur nga Ano ang Ginapatuman Sang Dios sa Aton? kag ginbuksan ini sa topiko nga “Paano Mo Masapwan ang Matuod nga Relihion?” “Nakibot ako sang uluhan,” sulat sang babayi. “Sadto ko lamang narealisar nga may isa lamang ka grupo sang matuod nga mga sumilimba.”

Sang nabasa na niya ang brosyur, napahulag gid sia. Busa sia nagpaathag: “Nagsulat ako agod hibaluon kon bala mabuligan ninyo ako nga matun-an ang Biblia nga nagagamit sini nga brosyur bangod napat-od ko nga naga-unod ini sang kamatuoran.”

Ang 32-pahina nga brosyur nga Ano ang Ginapatuman Sang Dios sa Aton? pareho man kadaku sini nga magasin. Magluwas sa topiko nga ginsambit na, ang brosyur nagasabat sang mga pamangkot subong sang:

▪ Sin-o ang Dios?

▪ Ano ang katuyuan sang Dios para sa duta?

▪ Ano ang Ginharian sang Dios?

▪ Paano mangin malipayon ang imo pamilya?

Sarang ka man makabenepisyo sa pagbasa sang Ano ang Ginapatuman Sang Dios sa Aton? Sarang ka makapangabay sing kopya paagi sa pagsulat sang kaupod nga kupon kag ipadala ini sa direksion nga nasulat sa kupon ukon sa nagakaigo nga direksion nga ginlista sa pahina 5 sini nga magasin.

□ Nagapangabay ako sing kopya sang brosyur nga Ano ang Ginapatuman Sang Dios sa Aton?

□ Palihug kontaka ako tuhoy sa wala sing bayad nga pagtuon sa Biblia sa puluy-an.