Makalugpay Ini sa mga Nagalalaw

Ang isa ka babayi sa Jalisco, Mexico, nagsulat sa sanga talatapan sang mga Saksi ni Jehova sa Mexico. Nangabay sia: “Palihug padalhi ako sing mga brosyur nga Kon ang Isa nga Ginahigugma Mo Mapatay. Indi ako isa sa mga Saksi ni Jehova, apang nagapati ako sa madamo ninyo nga ideya.”

Ginpaathag sining babayi ang rason sang iya pagpangabay, nga nagasiling: “Luyag ko ang mga brosyur bangod sa banta ko maayo ini nga ihatag sa pila ka tawo nga nagabakal sa amon balaligyaan sing bulak. Buot ko silingon, ang mga tawo nga nagabakal sa amon sing mga korona sa patay, nga kon kaisa, sila ang asawa, mga anak, ukon bana sang napatay. Pamatyag ko makabulig gid sa ila ini nga mga brosyur.”

Ayhan ikaw ukon ang isa nga imo kilala malugpayan man sa pagbasa sining 32-pahina nga brosyur. Ginasabat sini ang mga pamangkot subong sang: Paano ko mabatas ang akon kalisod? Paano ang iban makabulig? Ano ang paglaum sang mga napatay?

Mahimo ka makapangabay sing kopya paagi sa pagsulat sa kaupod nga kupon kag ipadala ini sa direksion nga ginapakita sa kupon ukon sa nagakaigo nga direksion nga nalista sa pahina 5 sini nga magasin.

□ Interesado ako nga makabaton sang kopya sing brosyur nga Kon ang Isa nga Ginahigugma Mo Mapatay.

□ Palihug kontaka ako tuhoy sa walay bayad nga pagtuon sa Biblia sa puluy-an.