Ano ang katuyuan sang Dios para sa aton?

▪ Agod lamang bala mabuhi sing malip-ot nga tion sa duta​​—⁠ayhan sing 70 ukon 80 ka tuig​​—⁠kag nian mapatay? Katuyuan bala sang Dios nga magapuyo sa langit ang mabuot nga mga tawo? Ngaa gintuga sang Dios ang duta? Mangin temporaryo lamang bala ini nga puluy-an sang mga tawo?

Ginapakita sang 32-pahina nga brosyur nga Agoma ang Kabuhi sa Duta sing Dayon! nga ginhimo sang Dios ang duta agod mangin puluy-an sang mga tawo sa walay katubtuban. Kon atipanon sing maayo, ang duta mangin isa ka matahom nga paraiso. Ginapakita sang mga seksion sang brosyur nga “Ngaa Nagakapatay ang Tawo?” kag “Ano ang Kamatayon?” ang rason kon ngaa natabo ini, kag ginasugid sang mga seksion nga “Ginhatagan Kita ni Jehova sing Manluluwas” kag “Kon Paano Kita Ginluwas sa Sala kag Kamatayon” kon paano ang duta mangin isa ka matahom nga puluy-an nga paraiso para sa katawhan.

Ang brosyur may yara kapin sa 75 ka laragway, kag isa ukon kapin pa ka teksto sa Biblia ang nalista upod sa tagsa ka laragway. Ini nga mga teksto mangin basihan sang pagbinagbinag sa mga laragway. Kon may mga bata ka, magamit mo ang mga laragway agod buligan sila nga matun-an ang tuhoy sa mga katuyuan sang Dios.

Agod makatigayon sing kopya, sulati lang ining kupon kag ipadala sa ginhatag nga direksion ukon sa nagakaigo nga direksion nga nalista sa pahina 5 sini nga magasin.

□ Interesado ako nga makatigayon sing isa ka kopya sang brosyur nga Agoma ang Kabuhi sa Duta sing Dayon!

□ Palihug kontaka ako tuhoy sa walay bayad nga pagtuon sa Biblia sa puluy-an.