Tambungi kag Pamatii ang Diskurso Publiko—“Sin-o ang Dapat Naton Tumanon?”

Nagapamiriphi na ang kalabanan nga tawo pagkabati pa lang sang tinaga nga pagtuman. ‘Gusto ko himuon kon ano ang luyag ko’ amo sa masami ang mabatian mo. Apang, ang matuod, ginapabaloran naton tanan ang pagkamatinumanon sa aton matag-adlaw nga pagkabuhi. Sa tagsa ka tion nga mamati ka sang paandam ukon magsunod sang mga instruksion, nagapakita ka sing pagkamatinumanon. Kag sin-o bala ang indi mag-ugyon nga ang pagtuman sa mga layi sang gobierno kinahanglan agod mahuptan ang kahim-ong kag paghidait sang katilingban? Ti, hunahunaa lamang ang matabo kon indi pagsundon sang tanan nga tawo ang mga layi sa trapiko!

Apang, kon gamhan sang tawo ang iya isigkatawo, ang mga resulta sa masami indi maayo. Sang una pa, ang Biblia nagsiling na nga “gingamhan sang tawo ang tawo sa iya kasamaran.” (Manugwali 8:9) May manuggahom bala nga takus naton saligan kag tumanon? Kon may yara, sin-o sia? Kag ano ang mapaabot naton sa iya paagi sang paggahom? Ini nga mga pamangkot pagasabton sang makapahulag nga diskurso publiko, “Sin-o ang Dapat Naton Tumanon?” Ini nga pamulongpulong mabatian sa mga distrito nga kombension sang mga Saksi ni Jehova sugod sa masunod nga bulan. Ginatos sa sini nga mga kombension ang ginahiwat sa bug-os nga kalibutan. Para sa lokasyon sang kombension nga pinakamalapit sa inyo, kontaka ang mga Saksi ni Jehova sa inyo duog ukon magsulat sa Watch Tower, P.O. BOX 2044, 1060 Manila.