Nagbag-o ang Opinyon sang Iya mga Kabutho

▪ Si Victoria (makita sa ibabaw), nga isa ka 11-anyos nga babayi nga taga-Ukraine, ginpahimo sing report tuhoy sa iya paborito nga libro nga magaengganyo sa iya tanan nga kabutho nga basahon ini. Nagsiling sia: “Nagdesisyon ako nga ipakilala sa akon mga kabutho ang libro nga Questions Young People Ask​​—⁠Answers That Work. Ginpaathag ko sa akon presentasyon ang kaundan sang libro kag ang mga prinsipio sa kon diin ini ginpasad. Sa katapusan ginsambit ko nga ang libro puede matigayon pagkatapos mismo sang klase.”

Ano ang reaksion sang iya mga kabutho? “Nakapahamtang ako sing 20 ka libro sina nga adlaw,” siling ni Victoria. “Abi sang mga kabutho ko ang mga Saksi ni Jehova isa ka sekta, apang nagbag-o ang ila opinyon, kag duha sa ila karon ang regular nga nagabasa sang aton mga magasin!”

Ang libro nga Young People Ask nagapukaw sa panghunahuna kag balatyagon sang mga pamatan-on, sa amo nagaresulta ini sa maayo nga mga paghinun-anon. Ginasabat sini ang mga pamangkot sang mga pamatan-on subong sang: “How Can I Get My Folks to Give Me More Freedom?,” “How Can I Make Real Friends?,” kag “What About Sex Before Marriage?” Madamo pa nga mga topiko ang ginasabat sa 39 ka kapitulo sini.

Kon luyag mo makatigayon sing kopya, sulati ining kupon kag ipadala sa ginhatag nga adres ukon sa nagakaigo nga adres nga nalista sa pahina 5 sining magasin.

□ Luyag ko makabaton sing kopya sang libro nga Questions Young People Ask​​—⁠Answers That Work.

□ Palihug kontaka ako tuhoy sa walay bayad nga pagtuon sa Biblia sa puluy-an.