Kon ang Isa Ka Bata Mapatay

▪ Ang kamatayon sang isa ka bata masakit gid para sa mga nabilin, ilabi na para sa mga ginikanan. Ang isa ka iloy nga ang iya 16-anyos nga anak nga lalaki nasunog sa isa ka makahalanusbo nga aksidente nanganduhoy: “Wala sa kahimusan sang Dios nga kami na lang tani ang mapatay sa baylo sang amon mga anak, ukon mapatay kami upod sa ila.”

Apang, indi buot silingon nga wala sia sing paglaum, kay sia nagsiling pa: “Ginsugid sang Dios sa amon ang kamatuoran tuhoy sa kamatayon, kag nakabulig ini sa amon nga indi maghinakit ukon magbuangbuang.” Nagsiling sia nga “wala ini ginhimo sang amon Dios sa amon anak, kundi katuyuan Niya nga banhawon ang mga patay sa isa ka paraiso nga duta. Sa amon hunahuna, mahanduraw namon nga ang amon anak buhi, mapagros, kag malipayon nga nagapuyo upod sa iya mga abyan kag pamilya.”

Apang, bisan ang may pagsalig sa ginsaad sang Dios nga pagkabanhaw nagakinahanglan gihapon sing lugpay, nga mainapresyahon nga nabaton sini nga iloy gikan sa iya madamo nga mga abyan. Sia nagsiling: “Madamo sang Makasulatanhon nga mga panghunahuna kag mga buhat sang kaayo nga nabaton namon ang naghalin sa brosyur nga Kon ang Isa nga Ginahigugma Mo Mapatay. Ginapalig-on namon ang tanan sa palibot namon nga basahon ini agod nga mas mahangpan nila kami kag ang kasubo nga padayon namon nga mabatyagan.”

Ayhan ikaw ukon ang imo mga kilala malugpayan man paagi sa pagbasa sining brosyur nga Kon ang Isa nga Ginahigugma Mo Mapatay. Mahimo ka makapangabay sing isa ka kopya paagi sa pagsulat kag pagpadala sang kaupod nga kupon sa adres nga yara sa kupon ukon sa nagakaigo nga adres nga nalista sa pahina 5 sini nga magasin.

□ Interesado ako nga makabaton sing kopya sang brosyur nga Kon ang Isa nga Ginahigugma Mo Mapatay.

□ Palihug kontaka ako may kaangtanan sa isa ka wala sing bayad nga pagtuon sa Biblia sa puluy-an.