“Dalayawon Gid Ini!”

▪ Ang isa ka maestro sa geograpiya sa Brazil nagdayaw gid sa kapuslanan sang Magmata! sa edukasyon. Sia nagsulat: “Ang magasin may mas madamo nga impormasyon nga magamit ko sa pagtudlo sangsa kalabanan nga mga libro nga ginbalhag agod gamiton sang mga manunudlo sa ila mga klase. Bisan pa nga tuhay ang akon relihion, nagaugyon gid ako sa mga prinsipio nga ginapaalinton sang Magmata!”

Narealisar man sining maestro nga ang Magmata! isa lamang sa madamo nga mga publikasyon nga ginabalhag sang mga Saksi ni Jehova. Sia nagsulat: “Ang isa ka estudyante sa ikan-um nga grado nagpahulam sa akon sing brosyur nga ‘See the Good Land.’ Nahayanghag gid ako sa kalidad sang impormasyon sini. Dalayawon gid ini! Ang ikasarang nga mahanduraw kag mahibaluan kon diin nga mga lugar natabo ang mga hitabo nga ginasambit sa Biblia nagahimo sang pagtuon sa Biblia nga mas mapuslanon, ilabi na para sa mga pamatan-on.”

Nagsiling pa sia: “Ang inyo mga publikasyon makita bisan diin: sa mga bus, sa mga estudyante, kag bisan gani sa mga nagapila sa bangko. Nalipay ako nga makita nga ang inyo mga publikasyon nakalab-ot sa mga komunidad nga indi pirme mapalab-utan sang mapuslanon nga mga impormasyon. Nagapanginbulahan ako sa inyo dalayawon nga hilikuton.”

Ang “See the Good Land” matigayon sa mga 80 ka lenguahe. Puno ini sing de-kolor nga mga mapa kag mga retrato nga nagalaragway sa lainlain nga mga lugar sa Biblia, ilabi na ang Ginsaad nga Duta sa nanuhaytuhay nga panahon. Mahimo ka makapangabay sing isa ka kopya sining 36-pahina nga brosyur paagi sa pagsulat sa nalakip nga kupon kag ipadala ini sa adres nga makita sa kupon ukon sa nagakaigo nga adres nga nalista sa pahina 5 sini nga magasin.

□ Luyag ko makabaton sing kopya sang brosyur nga “See the Good Land.”

□ Palihug kontaka ako tuhoy sa walay bayad nga pagtuon sa Biblia sa puluy-an.

[Credit Line sang retrato sa pahina 32]

Brochure covers: Pictorial Archive (Near Eastern History) Est.